L'ombra d'un Diu

Traduzzione da

L'ombra d'un Diu mi si spasseghja indrentu,
un tempu chì vene da l'osse, da u vivu, da l'anni,
aria di a memoria, di u lindumane...
Eu vuleria parlà ci, sente lu indrent'à mè,
stà à sente a so sapienza, è cappià mi,
sapè chì sò soiu è quale sò eu.
-Ma l'ombra và è torna, è sò luntanu,
è ùn sentu ma' chè l'aria di i pensamenti
chì portanu u biotu, è daretu venenu e sere.
O Diu, chì ti ne stai à l'ascosu, senza pietà,
cerca i cani è stà à sente s'o sò eu,
chì l'omu oramai hè mortu, s'hè scurdatu.