Versione :

DIALOGU

 

Incenderaghju fucarè
cù e vechje fiare
è sparghjeraghju malincunia
sottu à u ponte di l’amanti.
Anna Montero

Ùn saranu passati tanti ghjorni quandu da u ponte fighjerai dinù
Notre-Dame sperendu ch’o survegli
cumu brusgia u vechju legnu di i to ochji è saperaghju è
forse ùn ci sarà focu nè acqua nantu à e teghje in
fiore nè zitelle tennere è scurdate chì correnu sott’à
l’acqua nè vechji libri cuperti à sulitudine finte
cù a grazia di u dettu.
Allora ti diceraghju ch’ella ci cundanna a parolla à
more è ci accunsenterai è ùn saperemu chì silenziu
abbraccià da salvà ci è s’ella vale a pena di frazà
un solu mumentu à dì a gioia più chjuca o u dulore ch’è
no aviamu scupertu in fondu à tanti sguardi.
Cusì ci accuneremu, felici à vive l’ore, lachendu
ci purtà cum’è fiumi senza parate, senza umancu un pensà
chì rimuschji ricordi o l’inventessi, senza mancu
un eserciziu chì finghjessi passione o speranze,
senza saltà in groppa à e parolle, primurosi di dì è
di sapè n’importa chì misteri.
Accetta mi issa suppusizione, laca mi prulungà
issu equilibriu difficiule trà silenzii!