Amicizia

Sa frontiera mia est unu sulcu subra s'abba
Tratta bianca de unu bastimentu vagabundu
Inue si che fuit su passizeri appassionadu
Eo so s'ateru e s'aterue

Dae nieddu a biancu si mudat sa frontiera
E s'accordat gai bene comente die e notte
E fuit sutt'a s'ojada de sos pintores condensados
Eo so s'armonia de su cuntrastu

Sa frontiera mia est su passu tou subra sa terra
Sa sèmida chi tue lassat
E fuit a danzi abba noa
Eo so un andalieni

Su filigheddu de iscrittura est sa frontiera mia
Ch'intaccat su biancu de sa pagina
E fuit dae manca a destra o dae destra a manca
Eo so su messaggiu

Sa frontiera mia est s'orizzonte incrispadu
Chi sutt'a su sole attirat s'ojada lontana
E ch'iscampat a donzi temporale
Eo so s'accurzu e s'allargu

Sa mia frontiera podet essere avrèschida o crepusculu
E su caminu infinidu 'e su tempus de s'istoria
Ch'andende toppitoppi si che fuit
Eo so su chi hat a dever bennere

Sa frontiera mia non est nè riu nè muntagna
Proite a incuddae 'e sa frontiera 'e s'omine b'est s'omine
A sa chirca addolorada de sas virtudes suas
E chi fuit cun coraggiu
S'istrinta istrangugliante de sas frontieras umanas