Piddeti cunniscenza di un puema di u scrivanu corsu Marcu Biancarelli, chì discrivi u so scontru incù a cità di Palma in a quali seti.

EL CAPUCCINO

Ci hè in Palma de Mallorca
Un caffè maiorchinu
Un anzianu palazzu
Dund'iddi vani l'artisti
È a burghisia.

L'insegna hè u « Capuccino »
Ci si entri pà una volta
È ci mosciani à volta à volta
Litugraffii di Picasso
O pittura germànica.

Mi so trovu quI à mezu
Spaisatu è varùculu,
Curatu à l'arba sicca
E à u pacharan,
Rè di u ficca ficca
È di a marijuana.

Buciardu quant'è deci
Eru in pienu lumu
Inturniatu è dicadenti
Falsu talianu cantautori
— di u Meziornu —
È pisaia un bichjeri
Di liquori virdoniu.

Faccia à l'assistanza
— A chì mi viniraia... —
Fantasimata, pruclamaiu
Una divizia scema :
« Amori è Lussu ! »
Era pruvidinziali.