Dì mi o mà,

Esiste babbu Natale ?

O hè una storia pè i zitelli

À a quale ùn si crede più quande s’ingranda ?

 

Sai a mo ciuccia

Sè tù ci credi, tandu, in u to core, campa.

Hè quessa a magia di Natale

Crede ci quande s’ingranda !

 

Dì mi o mà

Tù ci credi

O sì troppu ingrandata

Per crede à issa magia ?

 

A magia di Natale, a mo ciuccia,

Hè in u core di tutti, ancu di i più maiò

Basta à guardà cù l’ochji di l’amore !

Spalanca i to ochji ,

Guarda in giru

I lumi alluminati

I canti cantati,

Tutti ‘ssi rigali preparati

I zitelli, pieni di gioia…

Dì mi tù avà,

Babbu Natale, quale hè per tè ?

 

Forse sì tù,

Forse, sò eiu

Simu noi tutti, in fondu,

Chjuchi cum’è grandi,

Chì rendimu issa magia di Natale

In una festa cusì bella….