STONDE: A LITERATURA CORSA

E varie tappe di custruzzione di una literatura corsa:

Anghjulu POMONTI hè prufessore (CAPES di spagnolu è CAPES di Lingua corsa) è dutturante à l’Università di Corsica.

 

Isse stonde sò appuntamenti urganizati da u CCU di l’università di Corsica è l’Associu Corsu di l’IITM. In e so prossime messe à ghjornu, INTERROMANIA metterà in ligna filmate è ducumenti stratti da issi mumenti di studiu è discussione.

Si tratta di cunferenze è baratti, letture è interpretazione di opere chì illustranu u fenomenu di a literatura corsa in u tempu longu di a so custruzzione è per mezu di e so varie spressione (generi, puntelli edituriali, spressione persunale è di gruppi). Si metteranu dinù in studiu è in discussione

unepoche di quistione chì toccanu à a pruduzzione literaria di oghje di pettu à e cundizione di a circulazione di l’opere literarie in a sucetà isulana è in cuntattu cun l’altre culture.

 

E stonde di sta tematica sò di gratisi è aperte à tutti.

 

Mercuri 18 di ghjennaghju 2017 : L'affaccà di una literatura scritta : generi minori è ricuperazione rumantica di u patrimoniu urale

Mercuri 15 di ferraghju 2017: Trà pulitizazione è elabburazione literaria : u bullore di u “Pre Riacquistu” (1896-1945)

Mercuri 8 di marzu 2017 : Un mudellu di scrittura etnugrafica : a “literatura di u Mantenimentu” (1945-1970)

Mercuri 22 di marzu 2017  : Trà ingagiamentu è mudernizazione : chì “Riacquistu” fù ?

Mercuri 8 d’aprile 2017 : Da a riazzione à a criazione : l'oghje literariu corsu

 

Compiu issu primu prugrama, si prevede dinù, sinu à a fine di l’annu, un’altra seria di stonde assuciate cù animazione (letture, teatru, cantu è musica).

 

(0.00€)