STONDA - U DISINCANTU, UNA SCOLA LITERARIA ?

Attività altre

 

À l’esce di l’età lirica, durante u principiu di l’anni 2000 sò spuntate opere chì parianu appartene à un ambiu simile, moltu più chì sumiglie si pudianu sculinà. Si vedia una generazione literaria nova affrancà si una cria da u Riacquistu è, da ammintà issi autori, cum’è Marcu Biancarelli, Jérôme Ferrari, Marceddu Jureczek o Jean-Yves Acquaviva, si hè pussutu parlà di « scola di u disincantu ». In quantu à issu qualificativu, ci pudemu dumandà s’ella hè custruzzione di un sguardu criticu issu cullettivu di autori o s’elli scumpartenu un’estetica è tematiche cumune.