AMICHI PER A VITA

 

Elodie ROSSI

 

          Sta mane sò nove ore quandu i gendarmi ghjunghjenu nant'à i lochi. Ci sò quattru persone, dui omi è duie femine spaventati. Ghjè u so amicu Matteu chì hè longu tiratu à una vintina di metri d'una casa cantunera abbandunata. A casa hà un pianu solu, ma hè assai Iarga, ritirata di a cità, cù un grande ortu induve I'arbacce sò cresciute, po’ ci hè dinù trèvechje finestre basse basse chì sò à pocu pressu à un metru di a terra. U cadaveru era cum'è piattatu da l'arba. À prima vista I'omu pare ch'ellu hè statu scannatu. Dopu à unepoche ricerche à I'ingiru di a casa, in paese è ingiru, I'ipotesi di u suicidiu pò esse digià cacciata postu chì I'arma ùn hè micca accantu à u mortu, è in più ùn hè micca una manera currente di tumbà si. U corpu di a vittima hè purtatu à I'ospedale pè I'otopsia. Dopu à I'esamine I'ipotesi sò cunfirmate. L'omu si chjama Matteu, hè mortu dipoi sei ore, vale à di versu trè ore di matina. Hà una trentina d'anni è ghjè bè statu scannatu da qualchissia chì hà assai forza

postu chì a ferita hè assai prufonda è hè statà fatta di daretu cù un cultellu d'una lama di vinti centimetri. Si tratta di un cultellu per andà à a caccia. Quandu chjappemu u cignale, u scarnuccemu cun quessu u stuvigliu. Segni di difesa, ùn ci ne hè micca. Hè statu sicuramente pigliatu per surpresa è ghjè mortu nant'à u colpu. Ghjè dunque un'inchiesta criminale chì s'apre, è ghjè I'ispettore Rossi chì hè incaricatu di st'affare Un omu chjattu è mustacciutu cù una faccia appena antipatica, vestutu d'un custume chì li dà una certa assicuranza. Era assai rinumtatu pè e sò perfurmanze à risolve I'inchieste.

 

          Subbitu I'ispettore chjama I'individui chì eranu presenti à u mumentu di u crimine. Vanu tutti inseme à u cumissariatu è cumencia I'interrogatoriu ind'è una sala chjuca chjuca senza nisuna finestra.

          U primu interrugatu ghjè Francescu, i so amichi I'aspettanu ind'è un'antra sala accantu. Anch'ellu hà una trentina d'aruri è a notte di u crimine eranu cinque culleghi. Francescu era venutu cù a so moglie Maria, Marcu cù a so moglie Chjara è Matteu era venutu solu postu ch'ellu ùn hè micca maritatu. Tutti inseme avianu decisu di festighjà I'inaugurazione di a nuvella sucetà di Matteu è Francescu. Avianu appigiunatu una sala situata à 150 chilometri d'ind'è elli, in u cuntornu d'Aiacciu. Eranu partuti ind’intorni di sett'ore è mezu di sera tutti inseme cù una sola viffura. Ci vulianu quasi duie ore per andà sinu à issu locu. Dopu à un'ora è mezu di strada schjatta un timpurale di quelli ! Certe gruppate cuminciavanu à falà è po a nebbia li impedianu di vede a strada. Dopu à avè pruvatu di cuntinuà qualchi metru era impussibule d'avanzà. S'eranu messi à u latu di a strada; li era parsu un locu induve ùn ci era nimu. U telefonu ùn avia retta à causa di u tempu. Era Marcu chì cunducia, sculunnò à u bordu di I'argine una vechja casa inabitata. U cunduttore surtì di a vittura è visitò i lochi per finalmente decide di passà ci a notte postu ch'ellu era propiu evidente ch'elli ùn pudianu andà à I'inaugurazione. A casa avia un caminu per scaldà si è avianu purtatu qualchì cascia di sciampagnu. Marcu avia inde u so cofanu qualchì lumera per quand'ellu và à a caccia. Cusi pudianu malgratu tuttu passà una serata tutti inseme è tuccà per stu achjappu novu.

Dopu à issa serata scumbuliata versu e nove ore di matina quandu l'amichi s'aisonu Matteu era smarritu...

 

• Sgiò Francescu Acquaviva, mi dite chì erate partuti pè festighjà I'inaugurazione di Matteu è voi ?
• Iè
• Dunque sereste stati tutti i dui patroni ?
• Iè hè què. Ma chì vulete “intrisctrjà ? » disse Francescu appena suspettosu.
• È bè d'appressu à mè avete tombu à Matteu perchè erate ghjelosu di a so riesciuta !
• Ma scherzate o chè?! Ma cume vulete ch'o tombi u m'amicu dipoi ch'è no simu zitelli, ch'è no ci cunniscimu ! Ùn averebbe mai pussutu fà què ! Era cum'è u mio fratellu, eramu i più cuntenti di pudè travaglià inseme, è d'avè riesciutu inseme e nostre ambizione.
• Eri sera versu trè ore di matina cosa faciate ?
• Pensu ch'o durmia...
• Qualchissia a pò cunfirmà?
• Nò nò ! Versu trè ore eru cù a mio moglie è Chjara !
• Cosa faciate tutti è trè ? È Marcu induv'ellu era solu ?
• Ùn mi fate micca di ciò ch'ùn aghju dettu. Eramu tutti i trè inde a camera di Maria è mè perchè una amica à elle avia telefunatu chì venia di lascià si cù u so maritu è avia bisognu di parlà. È Marcu durmia perchè avia pigliatu e so medicine.
• È Matteu ?
• Matteu era surtitu pè circà duie legne è duvia dorme davanti u caminu.
• Và bè vi ringraziu, vi richjameraghju cirtamente prestu. À vede ci.

 

          I quattru altri amichi è suspetti aspettavanu davanti. Quandu Francescu surtì, fù Maria a moglie chì entri ind'è a salla d'interrugatoriu a seconda. Sempre intransita da issu avvenimentu.

 

• Salute , Maria Acquaviva site a moglie di Francescu, ghjè cusi ?
• Iè.
• U vostru maritu mi hà cuntatu a vostra serata, l'inaugurazione, u tempurale, a vechja casa inabitata induv'è vo avete durmitu è induve avemu trovu u corpu di Matteu. Allora eri sera versu trè ore di matina cosa faciate ?
• Eru cù Chjara, Francescu è Matteu davanti u caminu quandu a nostra amica Lucia ci chjamò perchè venia di lascià si cù u so maritu. Cum'ella era male è ch'ella avia bisognu di parlà simu andate tutte e duie cun Chjara inde a camera è avemu discutatu.
• Erate solu tutte e duie ?
• Durante cinque minuti, dopu u mio maritu ghjè venutu chì avia u sonnu.
• È Marcu è Matteu induve eranu elli?
• Ùn la sô, duvianu dorme cirtamente perchè Marcu avia pigliatu e so medicine.
• Và bè, vi ringraziu, fate entre à Chjara Luciani per piacè.
• Aspettate, pensu di sapè qual’hè ch’hà tombu à Matteul A sera nanzu di parte aghju intesu à a radiu chi un omu si n’era fughjitu di I'asiliu di Castelucciu è chi e ricerche ùn avianu trovu nunda dipoi dui ghjorni !  Ùn eramu micca troppu troppu luntanu di u locu, hè pussibule ch'ellu sia venutu in piena nuttata per tumbà lu !
• Pò esse, m'informu cù i pulizzeri, vi ringraziu per stu detagliu.

L'ispettore sapia chì un scemu era circatu dipoi dui ghjorni, era u pulizzeru Moracchini chì era incaricatu di e ricerche. À tempu quessu u chjama per dì li chì u scemu era statu trovu issa notte da un pastore ind'è un stazzl, l'avia chjappu perchè chì vulia arrubbà qualcusella da manghjà. Era quantunque pussibule ch'ellu avessi tombu à Matteu, ma u scemu fù trovu versu trè ore di matina inde u paese accantu, I'ora di I'assassiniu di Matteu. Dunque ellu, ùn pudia esse ellu.

Un suspettu di menu, I'ispettore Rossi cuntinueghja l’interrugatoriu cun Chjara sta volta. Era entrata è paria mesfidassi di tuttu.

• Salute Chjara Luciani, voi site a moglie di Marcu Luciani?
• Iè...
• Allora eri sera cosa avete fattu versu trè ore ?
• Eiu eru cù Maria à u telefonu perchè un' amica à noi venia di lascià si cù u so maritu è ùn era micca troppu bè.
• Dunque s'o chjamu a vostra amica a pò cunfirmà ?
• Certamente, pudete ancu rilevà a chjama.
• Iè. È u vostru maritu cosa facia durante stu tempu ?
• Durmia perchè hà un prublema; ùn pò micca dorme senza e so medicine. Soffre di insunnia dipoi parechji anni. Cun quesse ghjè sicuru di dorme perchè sò furtissime. Ùn avia mancu pussutu beie di tutta a sera cun I'altri è in più avia pigliatu e so medicine davanti à tutt'ugnunu, vogliu di chì ùn hè micca ellu, hè cum'è drugatu quand'ellu piglia què.
• Và bè. Chjamate lu per piacè. Vi ringraziu.

     L'intemrgatoriu si compie nant'à Marcu, un antru amicu di a vittima. Quellu paria d’esse appena di più fieru è annerbatu à tempu chì i so amichi.

• Salute Marcu Luciani, site dunque I'ultimu testimone! Ricumenciu cum'è pè I'altri, cosa faciate eri sera versu trè ore di matina ?
• Durmiu, perchè aviu pigliatu e mio medicine pè dorme.
• Iè perchè suffrite di sveghja, hè què ?
• Iè dipoi parechji anni.
• Erate dunque solu, ùn ci hè nimu per cunfirmà ch'è vo durmiite ?
• Nò ma e mio medicine l'aghju pigliate davanti à tutt'ugnunu, ùn possu fà nunda cun quesse chì mi facenu dorme cum'è un saccu.
• Versu chì ora l'avete pigliate ?
• Versu ondeci ore pensu, dopu u tempu ch'elle fecinu effettu mi sò stracquatu versu mezanotte.
• Dunque durmiate à u mumentu di I'assassiniu... Và bè vi ringraziu, à vede ci.

 

     À Rossi li paria appena stranu st'affare, cinque culleghi è amichi partuti cusi luntanu di a so casa, u tempurale chì quasi tutt'ugnunu avia vistu à a televisiô o intesu à a radiu ma micca elli... L'inchiesta duvia esse appena di più apprufundita avà chì elle ci eranu e versione di i suspetti...

    A prima cosa chì ci vulia à verificà era u colpu di filu di I'amica di e duie donne chjamata Lucia. À a porta una donna chì pare d'ùn avè durmitu, I'ochji rossi, è a voce calma.

• Salute sò I'ispettore Rossi, incaricatu di I'affare nant'à a morte di Matteu Poli mi scusu di scumudà vi, ma vi vulia pone qualchìi questione.
• Iè iè entrite puru, sò eiu chì mi scusu; ùn aghju micca passatu una bona notte. Sò appena stanca per esse accugliente.
• Ùn v'inchietate, ùn face nunda, aghju solu duie o trè quistione à pone vi. Eri sera mi dite chì ùn avete micca durmitu. Cume si face?
• È be mi sò disputata cù u mio maritu, ghjè partutu in piena notte cum'è un scemu è mi hà dettu ch'ellu vulia divurzià.
• Mi dispiace per voi ma sò ubligatu di dumandà vi qualchì infurmazione? A chì ora s'hè passatu issu azzuffu?
• Era tardi : mi pare versu duie ore è mezu di matina.
• È cosa avete fattu dopu ch'ellu hè partutu ?
• Mi sò messa à pienghje, ùn eru micca bè, allora aghju chjamatu à Chjara è Maria chi simu amiche dipoi sempre. Ci era ancu Francescu u maritu di Maria accantu. Mi hà appena parlatu per rialzà mi u murale postu chì u connoscu anch'ellu dipoi assai tempu.
• Possu vede u vostru telefonu ?
• Iè senza prublemi ; guardate a chjama è a durata.
• Vi ringraziu assai pè e vostre infurmazione, à vede ci"

    Per esse sicuru I'ispettore Rossi decise d'andà à verificà s'è i trè suspetti eranu veramente innucenti. Cum'ellu travagliava in a pulîzza pobbe sapè e chjame postu chì a più parte di u tempu sò arregistrate.       Dopu à avè ascultatu tutta a cunversazione, Francescu, Maria è Chjara eranu definitivamente disculpati di I'affare.

          Ùn firmava più ch'à vede I'alibi di Marcu. Un interrugatoriu duvia ricumincià per tutt'ugnunu. Era u solu presuntu culpelule.

          Dopu à avè reinterrugatu a banda d'amichi, ugnunu hà dettu chì Marcu avia pigliatu e so medicine davanti à elli. Paria ch'ellu l'avessi fatta apposta per chì tutt'ugnunu u vidissi. È s'ellu ùn li avia micca pigtiate isse medicine ? È s'ellu avia stabilitu un pianu per ùn fà si chjappà ? Avà ci vulia à scopre perchè averebbe vulsutu tumbà à Matteu.

 

          Sta volta I'ispettore vole intemrgà i coppii à fempu.

Allora Maria è Francescu Acquaviva, a timpesta issa sera custi era prevista dipoi a matina, cume si face ch'ùn aviate intesu nunda ?

          A matina avemu durmitu perchè chì ùn duviamu micca travaglià, dopu meziornu quandu ci simu aisati ci simu messi davanti à un filmu, à a fine aghju accesu a radiu è annunciavanu chì un omu di quaranta anni si n'era sfughjitu di I'asiliu di Castelucciu dipoi dui ghjorni è chì e ricerche ùn I'avianu nancu ritrovu. Cuminciavu à avè a paura... Allora Francescu mi spinse a radiu è avemu cuminciatu à preparà ci per a serata. Un avemu micca pussutu ascultà u restu di I'infurmazione.

• A sò chì a mio moglie ùn pianta più dopu, hà a paura di tuttu allora aghju preferitu spenghje I'infurmazione.
• Dunque era nunnale d'ùn avè intesu nunda... Va bè pensu chì avà pudete esse tranquilli, vi ringraziu per a vostra cuuperazione.

          Ùn firmava chè à parlà cù i dui altri sposi.

• Salute Chjara è Marcu Luciani, a timpesta a sera di u crimine era prevista dipoi a matina, cume si face ch'ùn aviate intesu nunda ?
• Un sò mic... (Maria fù tagliata secca da u so maritu chì cuminciò e so spiecazione.)
• Eramu surtiti tutta a ghjumata. Facia bellu tempu : hè nurmale d'ùn avè intesu nunda. A mio moglie vulia assulutamente andà à passighjà, allora simu surtiti ; li aghju fattu piacè.
• Chjara ripigliô a parolla.
• - Iè ancu u mio maritu insistia pè sorte dipoi a mane prestu. Eiu à principiu avia previstu di guardà appena a televisiò ma quandu Marcu mi hà prùpostu di sorte aghju trovu

ch'ellu era un'idea bona. Sitù Marcu chì ùn ai micca vulsutu guardà a televisiô micca eiu.

È perchè ùn vugliate micca guardà I'infurmazione? Ripigliô I'ispettore.

Perchè facia bellu tempu è ùn aghju micca vulsutu stà mi ne in casa !

Marcu paria appena tesu.

D'accordu. È voi Marcu, erate ancu voi cullegu cù Francescu è Matteu, mi sbagliu ?

Iè eranu ghjustu à un gradu sopr'à mè.

Ùn vi facia micca cacà d'ùn esse à u listessu livellu chì elli ?

Marcu diventava di più in più rossu, à ogniu mumentu pudia saltà di a so cherrea è andà

si ne di a salla.

Eramu amichi eru cuntentu per elli ! Ùn sò micca venutu qui per parlà di u mio travagliu è di e mio ghjelusie !

Marcu, calma ti infine, ùn ci hè statu nunda. A so moglie ùn capia micca u so

cumpurtamente viulente d'un colpu.

Sta zitta ancu tù ! Ah sicura ch'è tù si trista chì Matteu sia mortu !

 

 

--: Credi chì sò un baullu ?! À sò ch'è tù m'ai burlatu cù Matteu ! Sò à u currente ! A sera eru entratu di u travagliu appena più prestu è t'aghju vista cun ellu ind'è u lettu ! Mi stumacate ! Tutta a mio vita Matteu m'hà pigliatu tuttu, dipoi a scola materna ch'è no ci cunniscimu m'hà sempre arrubbatu e mio amiche, ùn pensava micca ch'ellu anderebbe ancu

à arrubbà a mio moglie ! À u travagliu sò eiu chì duvia avè a so piazza, duvia esse a MIO inaugurazione chì duvia esse festighjata sta sera custì. Iè I'aghju tombu perchè ùn ne pudia più di tutta sta pressione dipoi tutte st'annate !

          Chjara era in pientu

• Sì un assassinu ! Sì scemu, madonna! Vogliu sorte di quì. ùn possu più sente nunda...
• Marcu Luciani dite mi ciò chì s'hè passatu issa notte di u 24 di marzu.
• A ghjurnata sapia chì a meteo avia previstu gattivu tempu per a sera. Ghjè per quessa ch'ùn aghju micca vulsutu chì Chjara ascultessi I'infurmazione, avia a paura chì Maria, Francescu è Matteu I'ascultessinu dinù ma pè furtuna a sera avemu preparatu tuttu è avemu quantunque pussutu parte à issa famosa festa versu sette ore è mezu. L'annunciu di a timpesta era cascatu bè, aviu previstu I'ore di parte, l'ore di a timpesta è u locu induve passeriamu a notte. Dopu à un'ora è mezu di strada a timpesta era scuppiata. Aghju cuntinuatu qualchì metru è mi sò messu à u latu di a strada. Eiu sapia ch'ellu ci era una casetta abbandunata versu stu locu, eru andatu à fà un giru qualchì ghjornu prima, aghju fattu apposta di visità a casa, a cunniscia digià. U telefonu ùn avia retta à causa di u tempu. Era cume si tuttu era cun mè pè aiutà mi. Aviamu purtatu qualchi cascia di sciampagnu per pudè fà a festa. È eiu avia ind'è u mio cofanu qualchì lumera per quandu vò à caccia è aghju pigliatu dinù u cultellu...Ghjè cun quessu ch'aghju tombu à Matteu, po’ I'aghju lampatu in u mare. Cù e lumere aviamu pussutu malgratu tuttu passà una serata tutti inseme è tuccà per stu nuvellu achjappu. Eiu ùn aghju betu nunda di tutta a serata perchè ùn ci vulia ch'o fussi in sborgna. Allora aghju trovu a scusa di e mio medicine ch'aghju fattu appostu di piglià davant'à elli. Versu rneza notte aghju dettu chì eru stancu è ch'ùn tenia mancu più arrittu. Tandua sò andatu à preparà u mio colpu perchè ùn sapia ancu cume è quandu avia da tumbà lu. Versu trè ore di matina Matteu, Chjara, Francescu è Maria eranu davanti u carminu à scaldà si quandu Lucia I'amica di Chjara è Maria e chjamô. Cascava bè per mè perchè facia duie persone di menu cun Matteu, tutte e duie andonu ind'è a camera di Francescu. À iss'ora a timpesta era piantata. À un mumentu datu u focu s'era spentu. Francescu decise d'andà a stracquà si . Matteu era solu davanti à u carminu; duvia dorme quì perchè ùn ci era più piazza ind'e camere per ellu. Per ùn avè u fretu tutta a notte decise d'andà à circà unepoche di legne per passà a notte tranquillu. À issu mumentu quandu I'aghju intesu sorte, aghju pigliatu u cultellu è sò passatu per a finestra: ùn m'hà micca intesu vene di daretu; I'aghju chjappu è I'aghju scannatu, po I'aghju lampatu ind'è I'arba alta !

Paria un scemu quand'ellu cuntava sta storia. Era cume in smaina.

• -   Cosa ai fattu Marcu. madonna, cume aghju da fà avà...
• -  Marcu Luciani, site arrestatu per I'assassiniu cun premeditazione di Matteu Poli.