Ragiunata
Paghjelle è chjama è rispondi

Lucia : - O Petru Marì, feghja mi à quessu s'ellu ne manghja frittelle è panzarotti !
Petru Maria : - U benedica, cum'ellu dice ziu Simone ! A` quessu hè megliu à veste lu chè à mantene lu
Lucia : - Zittu zittu ! In quantu à mè hà capitu ch'è tù ti ne ridi !
Petru Maria : - Mai ch'ella sia ! Ùn aghju voglia nè di ride nè di pienghje. Sò venutu pè sente i chjama è rispondi è ùn sentu nè chjamà nè risponde !
Francesca : - Ma chì credi ! Ah s'è tù fussi in qualchì cuncertu, puderesti dì l'ora ch'elli principianu è quand'elli finiscenu, ma in u cantu pupulare, simu fora di arilogi...
Ghjuvan Paulu : - ... è di tempu ! Hè un tempu culturale, urale, pupulare...
Lucia : - A` mè, mi piace di più a paghjella.
Ghjuvan Paulu : - Ghjustu à puntu hè l'ora di u cuncorsu. S'elli cantanu " I Cumpagnoli ", vincenu elli !
Francesca : - Voli scumette ch'elle vincenu e femine ?
Ghjuvan Paulu : - Chì tante femine ! A pulifunia a facenu l'omi. L'anu sempre cantata l'omi.
Lucia : - Oh ma, s'omu u stà à sente, à mumenti ùn puderemu più cantà !
Ghjuvanni : - Ùn ci hè penseru ! S'e fussi eiu, o Ghjuvan Pà, ùn dicerebbe tantu contru à e donne !
Francesca : - Tantu più chì s'omu và à circà, e donne anu sempre cantatu in a tradizione...
Ghjuvan Paulu : - Parlu è mi intendu. A paghjella hè una parte di l'arte pupulare è tandu...
Petru Maria : - Ma chì banda di curnachje ! State bassi chì anu da principià !