Pè andà subitu à cunsultà i ducumenti, cliccate nantu à e parolle scritte in rossu

Salute,

Sta volta,

DA SARDEGNA
Forbici e fantasia: la costumista di Fo arriva da Osilo. In sti mesi chì venenu si hà da fà una mostra di panni è vestiti di scena, invitendu in Corti a creatrice Luisella Pintus. Intantu, sfuglittemu La Nuova Sardegna.

DA CATALOGNA
Natu in Maiorca ver’di a metà di u 14u seculu, un frate franciscanu si era cunvertitu à l’islamu cun nome di Abdallà el Torsimany. Era tenutu da i cristiani è i musulmani. Hà lacatu scritti pè u più scherzosi. Trà quessi, u Cuntrastu di l’asinu sarà rapresentatu à u Teatru Romea in Barcelona da u mese di ghjugnu

DA SICILIA
Mario GALLO, Rispunsevule di Lumie di Sicilia, u giurnale culturale di l’associu Sicilia-Firenze (Trapani), ci invita à leghje u numeru 81. Trà tante cose interessantissime, ci sò accenni in quantu à u mischju di e lingue,riflessi in modu pedagogicu.

DA A PUESIA
Trè pueti è chì pueti!
Patrizia GATACECA, Ghjacumu FUSINA, Alanu DI MEGLIO. Eccu li chì ci dicenu di a so manera di travaglia cù l’arnese, e putenzialità è ... e resistenze di a so lingua. Venite à sente li in Corti u 5 di ghjugnu à 14 ore.

DA A SIMANA DI A LINGUA: Vi affaccate in Corti, à u Spaziu Natale Luciani, u 5 di ghjugnu, da 10 ore da mane?
Truverete quì sottu u prugramma di a simana di a lingua corsa.

http://www.corse.fr/linguacorsa/Prugramma-di-a-Simana-di-a-lingua-corsa-...

IMPARÀ U CORSU... cù INTERROMANIA!
IMPARÀ U CORSU est à votre disposition sur INTERROMANIA, en accès libre et gratuit. On y découvre le corse, langue restée proche de ses origines néolatines. La rubrique du site enregistre un grand nombre de visites régulières. A ce jour plus de 400 usagers se sont inscrits pour le dispositif de suivi des performances individuelles, qui permet d’évaluer les besoins et progrès de chacun (en toute discrétion !).