MESSA À GHJORNU DI U 30 DI NUVEMBRE DI U 2020

UN VERU... AVVENIMENTU issa antulugia literaria in lingua corsa

UN VERU... AVVENIMENTU issa antulugia literaria in lingua corsa

 

 

 

 

 

 

 

A FESTA DI A LINGUA 2020:

Mai compie a festa di a lingua. Hè di tutti i ghjorni è à chì a parla, a scrive, a canta è l’ampara hà tante occasione di festighjà la. È puru ci sò issi mumenti più tosti chì hè propiu una bona di fà li onore è di purtà la più insù. Quistannu dinù, a Cullettività di Corsica a ci hà permessa è li femu tanti ringrazii.

Hè cusì ch’è no vi purghjeremu unepoche sequenze filmate è/o arrigistrate di u prugrama sviluppatu da l’Assoccii CCU è IITM in partenariatu cù u serviziu di u Centru Culturale Universitariu. Ci truvarete dinù cum’è sempre unepochi di ducumenti appicciati.

Per sta volta:: -u spostu di G.P.GIUDICELLI nantu à A FOLA

-PIRARELLU: a fola sana detta da Patrizia GATTCECA

-PIRARELLU; a fola in adattazione dramatica da Arcubalenu

In e prossime messe à ghjornu ci saranu scritti, soni o filmetti d'altre fole

ANTULUGIA DI A LITERATURA CORSA:

In stu periudu di A FESTA DI A LINGUA, à i dulciumi più chè leciti, ci si gode un savore  in più; quellu di un’antulugia zeppa, prufonda è chì spechja una bella parte d’issa vita linguistica longu à i periudi passati è quellu oghjincu. Hè issa bellissima Antulugia, zeppa è ducumentata assai. Felicitazione à i trè circatori appassiunati è cumpetenti assai chì ci si sò stirinati cun piacè è ardore: Petru Santu MENOZZI, Ghjulianu MATTEI, Petru Santu PIETRERA. Spiccemu ci à cumprà la chì in quantu à noi i librarii anu da vede a folla lampà si à botte ind'è elli...

Fighjate in e messe à ghjornu di 2018 è 2019 d'interromania e cunferenze di i trè circatori-autori chì ci dicianu e so ricerche

U CANTU IN CORSICA VISTU DA W.LAADE-2

Dopu à a prima “inchiesta” di l’anni 1950, Wolfang LAADE attualizò u studiu nantu à i canti corsi in u so viaghju di 1973. Brigitte RANC-ZECH ci ne spechja quì l’essenziale. Dopu venerà l’ultimu mumentu, a terza tappa. Intantu vi vulemu chere di fighjulà in particulare e cunclusione di l’etnologu è ciò chì si ne pò dì oghje vistu l’evuluzione di u cantu corsu in u frattempu.

Dunque eccu a 2° tappa (anni 1970). S’ella vi garba, fate ci sapè u vostru parè

SPASSIGHJATE LITERARIE: “A donna curiosa”

A cusidetta “murale” d'eri ùn lacava tanta libertà à certe parte di a pupulazione. À a donna, mancu à parlà ne. Spessu a donna era castigata pè a so... curiusità! Parenu fole parenu....

Una volta di più eccu la vittima, issa figura feminile! I Raconti pupulari di l’Isula di Corsica a face vede in e so pagine 157-159. Hè in a cullezzione “Isule literarie”di ALBIANA-CCU. A versione in lingua corsa l’hà fatta Dumenicu BIGHELLI di Pitrettu Bicchisgià. Issi raconti è fole, Federicu ORTOLI l'avia racoltu in u 1883!

Lighjimu è sentimu l’amicu Dumè...

 “IMPARÀ U CORSU cù “A magacciula sdenticata”

I trè livelli di u metudu à distanza s’arricchiscenu oramai di ducumenti à posta da accresce a cunniscenza di a Corsica. Tutti i quindeci ghjorni, IMPARÀ U CORSU porghje robba atta à accumpagnà ancu à  chì hà francu i trè livelli è vole buscà più asgiu à parlà, leghje è scrive, ma ancu acquistà in corsu cunniscenze in leia cù u territoriu di l’isula. È cusì di pudè accresce e so cumpetenze di spressione è traduzzione.

Leghje sta fola arricolta in i so lochi da Maria Paula VANNI. Eccu u testu cù i so trè § sunurizati

Lumie di Sicilia n.145/60 dicembre 2020

Stu numeru hè dedicatu à tutti i figghi spartuti pu munnu: sprimenu u drama di l’emigrazione, cù a storia di a puetessa Josephine Eleanor Geluso .
L’umurisimu di Pirandello da Gaetano

Santo Forlì discrive è conta i chjassi pè ghjunghje à u Castello di Belvedere in provincia di Messina

Enzo Motta presenta u so Diario di viaggio in Sicilia è ammenta paisaghju è gastrunumia.

Maria Nivea Zagarella ci presenta qualchì puesia  di spiritu suciale

Giovanni Fragapane, ci offre un “minigiallo” è a so intriga

Marco Scalabrino saluta a pruduzzione poetica in sicilianu Nino Orsini (Palermo 1908- 1982)

E rime, amare, di Ina Barbata trattanu di u “strammu Natali rumilabbinti” è a “scarenza”

Gaspare Agnello, cù “La terrazza della noce” (a casa di campagna di Leonardo Sciascia) ramenta a vita d’issu scrittore maiò

Marco Gallo ripiglia dui scritti di Antony Di Pietro chì trattanu di l’emigrazione

Archivio dei diari / 18 nuvembre 2020 newsletter n. 418

In cunsunanza cù a decisione di u 1999 chì l’Assemblea Generale di e Nazioni Unite pè a Ghjurnata internaziunale per l'eliminazione di a viulenza contr’à e donne  è cù u crescita di e viulenza durante sta pandemia, l’Archivio diaristico nazionale, hà prupostu un seminariu da apprufundisce a riflessione in quantu à issu fenomenu dannosu .