Francesco Ottaviano RENUCCI IN BASTIA:

Marti u 6 di ghjugnu si hè fattu un scontru inquant’à Francesco Ottaviano RENUCCI (1767-1842) à u cullegiu Simone Vinciguerra. Prufessore  d’eluquenza, principale di u stabilimentu è bibbiutecariu, hà chjappu una parte maiò in a storia di u cullegiu è fattu spiccà iss’epica soia.                                                 

Issa ghjurnata hè stata punteghju di un travagliu pedagogicu spartu in un attellu « eluquenza » animatu da Paulina GALLI-ANDREANI, prufessora di lettere è un attellu dedicatu à u « patrimoniu » purtatu da Paula BEVERAGGI, Maria Petra MARCHINI è, in u quatru d’un partenariatu cun Linda PIAZZA, rispunsevule di a bibbiuteca Tommaso Prelà di a cità di Bastia..                                                                                       (Si vecanu riassunti è ducumenti in appicciu)

TEATRU CORSU-A diglussia è u so paradossu,

Ind’è l’anni di U Riacquistu omu si interrugava spessu inquant’à i modi di sparghje a cunniscenza di a lingua parlata è scritta. Infatti, si trattava è si tratta sempre di trapassà a diglussia eri accettata è oghje ricusata, ma a diglussia, si dice spessu ch’ella hè mutata è ch’ella hè oghje interiurizata. Si và ancu sinu à dì ch’ella hà avvelinatu certe spressione artistiche è culturale, è trà quesse a pratica teatrale. Chì ne sarà in u reale cutidianu. Vultemu s’omu vole à e cunclusione di certi scontri fatti cun l’ADECEC. .

                                (Leghje i ducumenti in appicciu, Da introitu ci hè un sonu da sente è ripete )

SERANU PUESIOLE ?

Puesia è cantu si sà ch’elli  ti anu una storia cumuna, ma hè sempre difficiule oghje di  ramintà si la per via ch’ellu si hè impostu a nuzione di generu literariu è o culturale. È puru mai in Corsica si hè rottu u legame trà puema è cantu . Patrizia a face vede è sente cun Seranu Puesiole ? – La traversée duv’ella hà unitu cinque opere di soiu. Ci prupone ascoltu è lettura di i testi ma ancu spiicazione è cunclusione utilissime da apprezzà è capisce u sensu prufondu d’isse creazione.

 (Fighjate i testi scritti)

A BOGHE CRARA

Clara FARINA, puetessa è cantarina sarda, sò parechji anni ch’è no spartimu inseme passione pè e nostre lingue è culture neolatine. A nostra università di Corti publicò a so racolta di puesie è canti Ermosuras da u 1994. Oghje stu DVD A Boghe crara ci porta à ritruvà tante leie trà cultura sarda è corsa. U so librettu porghje testi scritti in sardu è ancu una puesia di Corsica “Nausicaa”. Cf. Soter Editrice Villanova Monteleone. ISBN 979-12-80236-39-5. 

 (Lighjite vi dui scritti)

SPASSIGHJATE TRÀ ARTE, TEMPU È VITA

Mariella CLEMENTI cù i so EX LIBRIS ci dice cum’ella và è cerca à dì a so vita è e so primure spassighjendu trà parechje spressione, sempre tenendu assai à gode si di a stonda di pensà, sente è sprime si ch’ella cerca, risente è vole dì. Trà arte è scriviture parechje.  Oghje hè creazione ispirata da a cantarina Dalida è u so Gigi....

.(Fighjà, sente è leghje à tempu)

CATHY: LINGUA, PUESIA, CANTU

Accoglie Lisandru DE ZERBI è Micheli LECCIA

 (Lighjimu, vidimu è sentimu)

Oramai, ogni simana ingiru à Cathy si aduniscenu ghjente d’ogni locu è età à gode si e stonde di piacè parechji in lingua corsa. Oramai sò tanti è più quelli chì sò stati visti, intesi è accumpagnati da l’accolta è l’impruvisate –in parolle, detti è canti d’issa animatrice attalentata! Sta volta, videremu duie stonde cun militanti attivi di u corsu: Lisandru DE ZERBI è Micheli LECCIA ùn si presentanu più, bella sicura, ma e lode di Cathy CAMPANA i ci danu da ringrazià torna è sempre!