MESSA À GHJORNU-15.05.2023

PONTENOVU

PONTENOVU

Pasquale PAOLI

Pasquale PAOLI

P.BALDOVINI-creazione è traduzzione

Pasquale BALDOVINI ci presenta oghje à Laurent CAVALIÉ, chì li hà tradottu in corsu a so racolta intitulata “Lenga”, un nome chì dice duv’elle sò e primure cumune trà u pueta occitanu è po’ quellu corsu. È s’è no mettimu in ballu quella nuzione è prugettu di culture è populi vicini, hè capita ch’ì ùn esempiu cum’è quessu hè megliu à sviluppà lu è cuntinuà ed apprufundisce issu barattu trà culture, lingue è prugetti di cuuperazione permanente. Oghje, Pasquale volta nantu à u scontru chì hà avvicinatu issi dui scrittori, militanti è culturali chì oramai facenu inseme stonde è spettaculi. In sta videò, Pasquale ci leghje unepochi stratti di u LENGA publicatu da Albiana-CCU.  

(Fighjate a videò è lighjite à tempu i puemi)

SPASSIGHJATE TRÀ ARTE È VITA

Pocu fà hè statu presentatu u libru di Mariella CLEMENTI. U so primu rumanzu, MARILINA esciutu in a cullana “Calamaii” d’ALBIANA-CCU. Mariella scrive puemi è nuvelle. Ùn pò stà senza scrive! Cumpone, fà dissegni è pitture è praticà arte varie, cun primura, sensibilità  è capacità assai hè u chjassu ch’ella piglia ogni ghjornu è quasi quasi si hà u laziu di dì... ad ogni seconda! È po’ in corsu! S’è vo’ a scuntrate dumandate li perchè issa passione pè a  lingua nustrale... Intantu, sentimu la è lighjimu la è videremu quant’ella vale a cultura corsa in a nostra vita di ogni ghjornu.(Sente è leghje à tempu)

VICINI

Issu libru hè isciutu da a BIENNALE DI PROSA LITERARIA CORSICA SARDEGNA  messa in ballu à l’Università di Corsica d’ottobre 1995. L’azzione era purtata da u CCU, cun sustegnu finanziariu di a Cumunutà Eurupea. Iss’uperazione hà toccu subitu subitu u so primu scopu. Di fatti si trattava pè u più di fà cresce e pruduzzione literarie in corsu è in sardu è ancu di principià à scumbatte pè una cuurdinazione di e spressione literare trà isse duie isule. Stu cuncorsu di nuvelle hà adunitu 27 candidati in Corsica è 35 in Sardegna. A racolta  Vicini hà publicatu i scritti premiati  da a ghjuria (CCU, « Premio Ozieri » è rivista Salpare). Ad ogni messa à ghjornu, publichemu i scritti premiati in quattru versione linguistiche: corsu/sardu/francese/talianu.

(Leghje è appragunà e lingue)

SCRITTURA LITERARIA È SOCIOLINGUISTICA

U scrittore corsu hè un essere di paradossu : scrive in una lingua chì spessu a si hà amparata à di per ellu cun tante dificultà, chì u so publicu, pè a maiò parte, ùn lu cunnosce mancu stampa, invece chì listessu publicu, u puderia tuccà aduprendu u francese chì li apreria in listessu tempu tante altre pruspettive. À menu ch’omu u credissi irrespunsevule, ci tocca à pensà ch’ellu t’hà tandu una mutivazione forte è più chè forte da inchjuccà si à scrive in issa lingua custì....

Alò, vogliu piantà quì chì issi filari ùn sò chè stratti di a traduzzione di un articulu di G.KREMNITZ inquant’à a scrittura literaria in occitanu...

(Fighjate l’articulu sanu s’è vo vulete)

CATHY ACCOGLIE ... U CAMPIONE!

 (Lighjimu è sentimu)

Cum’ella face oramai ogni settimana, Cathy Campana accoglie... ma sta volta u ... campione di i campioni! Qual’ellu hè quessu, l’induvinate prima di leghje?...

 

APPRENDRE LE CORSE/IMPARÀ U CORSU


Notre méthode d’apprentissage à distance couvre les trois niveaux du Certificat Européen des Langues (A,B,C). C’est un procédé (gratuit et anonyme) permettant d’évaluer vos compétences. Les textes supports sont prononcés en langue corse et souvent en version plurilingue (corse, français, et anglais au niveau A). Les exercices et documents sur les Baléares, la Sardaigne et la Sicile permettent de prendre contact avec le catalan, le sarde, le sicilien et l’italien. La diffusion sociale du corse mise en œuvre par la Collectivité de Corse permet de vous offrir cette réalisation et ce service.
Ci vulete aiutà à publicà a rivista tutta in corsu BONANOVA?Per quessa, rimandate ci stu biglittinu cù un sceccu intestatu à Associu CCU (1 numeru doppiu à l’annu costa 6€)
Arrugamentu da u numeru doppiu 43 sin’à u numeru …= 6 € ..X.. = ... €
Nome è CASATA .................................................Mail..............................................
Adirizzu..pustale ..............................................