PELIROSSU sò centuvinti pagine di prosa chì vi avete da campà. A materia ch'ellu hà trattatu l'autore pudia avè fattu un libru assai più ampiu, à l'usu... americanu! Ma quì ùn si allunga a funa. U versu hè quellu -a ci dice Benigni- hè quellu di tanti raconti à bocca chì viaghjanu trà finzione è realità. In u filu inventatu ci si appiccicanu tanti elementi veri vissuti, visti o intesi da quellu chì hà scrittu isse pagine.

A sunta dicerà a tuttognunu u campu trà finzione è storia ch'ellu ci apre issu rumanzu: 1.A NASCITA 2.A CRISCENZA 3.A PULITICA 4.L'OFFESA 5.A CUNDANNA 6.A GUERRA 7. U SPARITU 8. U SPRIGIUNATU  9.U RITORNU 10.A DISERZIONE  11.L'ITALIA 12.A FUGA 13. L'ESILIU 14.TORNA A GUERRA 15.L'OCCUPAZIONE 16.A LIBERAZIONE 17.A SURPRESA 18.A PACE 19.A GALERA 20.A PENITENZA 21.L'INASPETTATU 22.L'EPILOGU

Issa infilarata di tituli insegna cum'ella si accoppia, trà memoria è invenzione, a sperienza di l'universale di a cundizione umana in a storia cun l'avvenimenti duv'elli sò stati  implicati i Corsi.