DE ZERBI Ghjermana

Ghjermana de ZERBI ci dice « I più belli passi di vita ».

 

Nata di ghjugnu 1939 inTerranova di Bastia, di babbu bastiacciu, Ghjiseppu de Zerbi è di mamma sermanaccia, Francesca de Zerbi, parentelli di listessu ceppu.
Studii di talianu à l'università di Clermont. Issi studii fùbbenu una campa cun un maestru senza paru, André Bouissy.

Memoriu di maestria nantu à a tupunumastica di Sermanu, una manera di firmà in Boziu è scurdassi di l'esiliu in e cutrure di l'Alvergna.
Prufessora di talianu nù a so giuventù fiurita poi di corsu à partesi da u 1974.

• Hà avutu l'onore di « ghjucà » nù A Rimigna, segondu u prucessu di Niolu, di Dumenicu Tognotti, d'agostu 1974.
• Autrice di Cantu nustrale in u 1981, un'antulugia à tempu tradiziunale è indiata : dispiacque à unepochi di capistabbilimenti è d'omi pulitichi chì a fècenu pruibisce.
• Memoriu di D.E.A. nantu à u vuceratu.
• Qualchì scrivacciulime corsu è francese quì è quallà, in Kyrn per l'indettu, nantu à u cantu, a lingua o l'attualità culturale, in Peuples Méditerranéens nantu à e donne o i vòceri.
• Coanimatrice cun Lisandru Bassani d'un' emissione radiu FALCE Puesia.
• Capiredattrice di a rivista in lingua corsa Isule. 1982-84.
• Coautrice cun Francescu Diani di Cantu corsu, contours d'une expression populaire, 1992.
• Altri articuli in In Corsica tandu 1984, in Le Mémorial des Corses 1999 , Canta u Populu corsu 2005, Morte è Funarali di Spanettu (Traduzzione) 2005, in Dictionnaire historique 2006, Corsica Nazione 2008.
• Coautrice cun Mighele Raffaelli di l'Antulugia di u Cantu nustrale, bislingua, CD di e mùsiche, nancu à compie.
• Coautrice di l'opera cullettiva Almanaccu di Bastia è di e so tradizione, 2005.
• Traduttrice di a rivista pè i zitelli, Yatou, Actualité & Découverte de l'environnement en Méditerranée, numeri 11 à 30, 2005 à 2010.
• Articuli in corsu è francese in u cassittinu di dui CD, Canti è musica, Anthologie de chants et musiques profanes, Ocora Radio France 2011.