U 4 di nuvembre, per via di a FESTA DI A LINGUA, accettu a pruposta d’ALBIANA è partu in Parigi à u Salone di i Scrittori Corsi chì quistannu cambia di locu. Oramai sarà particulare issu avvenimentu. Hà da esse presentatu u filmettu ducumentariu fattu da Pastaprod è chì tratta di a mo scrittura rumanzesca...
Ne sò cuntentu è fieru... ancu s’o a... ùn la vogliu fà vede!
Eccu mi in a sala duv’ella si hà da fà a pruiezzione. Mi ci aspetta Bernardu BIANCARELLI chì hà organizatu a riunione.

.... Mì, mì mì sarà solu???

Aèh! A dicia l’amicu Paulu Michele FILIPPI in u so puema... Dicia cusì

“Cari lettori... 
Euh... Caru Lettore
Oh! Oh! Oh! Induve hè passatu????”

Ma Bernardu mi insegna a sala di pruiezzione è custì... ÙN NE MANCA, NÈ SPETTATORI, NÈ LETTORI