Versione :
Corsu

Un' età d'oru di a literatura corsa? - Petru Matteu Santucci

Un età d'oru di a literatura corsa?

Petru Matteiu Santucci leghje un puema di soiu

ERATE QUALE ?…

 

Petru Matteiu SANTUCCI

Erate quale per mè signora
in quellu sguardu for’ di ragione
a v’aghju intesa cantà fora
è da beatu testimone
tengu issu versu chì innamora
sempre à l'invitu pè cumpone

Primi filari isulani
in li cuntrasti nati festa
à l'accunsenti più arcani
dà rivuccà sole in timpesta
ma toccu in le vostre mani
signora dea aqua celesta

È site voi vera signora
à le scunfine for’ di conti
anima mondu filadora
di sogni in coppiu eterni impronti
più chè u celu quand’ellu sborra
i longhi andà di l’orizonti