Hè nata l’antulugia MAREMARE (si veca l’antologia poetica mediterranea maremare (Adda Editore)). L’anu curata è purtata sinu à a publicazione Maria Maria Rosaria CESAREO Daniela MARCESCHI è Lino ANGIULI. Dicenu tutti è trè quant’elli anu avutu piacè à purtà issu travagliu sinu à l’edizione elegante, fine è preziosa di cuntenuti, ma ùn li lacaremu fà senza ringrazià li pè a so pazienza, i so sforzi cuntinui è a perseveranza di issa ghjente capace à pate tanti strazii in l’onore di a literatura puetica.” Più di un anno di lavoro, di contatti e corrispondenze continue con i poeti, i traduttori e i fotografi di tutti i Paesi bagnati dalla magia mediterranea!” Iè, hè vera ch’ella ci era quella magia mediterranea, ma ùn ci scurde di e penencapu, pilatoghji è penseri di isse persone à serviziu di l’altri è di a so puesia. Ch’elli sianu propiu ringraziati, di core veru, pè issu vulume à tempu magnificu di cuntenutu, elegante di forma senza ostentazione alcuna.

Una opera bellissima, è chì sparghjendu si da un paese à l’altru venerà ad accertà, cù e parolle, i soni è e cunnutazione di a puesia, l’esistenza di un inseme chì secondu l’epiche spunta, affacca, si schjarisce ma pò ancu smarrisce un tempu, per via di i marosuli pulitichi ed ecunomichi, e circunstanze circumvicine o più luntane è e cuscenze culturale più o menu sveglie è libere.

Un mare, che condivide con la Terra una identica caratteristica o dimensione: la profondità ovvero lo stadio in cui l’esistenza perde e prende le sue forme. Così il Mediterraneo è un mare non solo abitato dall’ignoto, da mostri inauditi e terribili di cui la mitologia e la Bibbia forniscono ampi ragguagli, ma anche in grado, come la Terra, di essere matrice, di dare origine ad accese rinascite e conquiste: basti pensare alle peregrinazioni di Ulisse o di Enea

Fernandu BRAUDEL, Predrag MATVEJEVIĆ pocu fà, è puru omi di pulitica visiunaria cumu Niccolò TOMMASEO ci anu purtatu à riflette nantu à a natura d’issu inseme mediterraneu chì hà fattu dì à l’autore di u Breviariu: “A mediterraneità ùn hè lascita, hè acquistu. Hè una distinzione, micca un privilegiu. Ùn si tratta solu di storia, geugrafia o radiche, memoria è cridanze : u Mediterraneu hè ancu un destinu.”

St’antulugia nova chì adunisce cinquanta pueti di tutte e parte di u Mediterraneu, cun testi puetichi in lingua nativa è traduzzione taliana hè una vera dichjarazione d’esistenza è di vuluntà d’esiste sempre di più. A lettura di isse opere nate in e parte luntane è diferente assai una cun l’altre ci insegna a verità d’isse voce chì s’accordanu à cumpone l’innu mediterraneu.

In u ritrattu di presentazione di MAREMARE “curata da sei mani e composta da mille voci, tutte mediterranee” si vedenu ancu u numeru novu di a rivista INCROCI, ancu ella dedicata à a spressione mediterranea, è u catalogu Scatti di poesia, un chjama è rispondi trà a maghjina è a voce chì rispechja a mostra urganizata in Castello di Monopoli: www.scattidipoesia.it