Rumanza di a luna
Puesia
![](https://www.interromania.com/sites/default/files/styles/image_400xx/public/capture_13.png?itok=kmUT2PkA)
A luna ghjunse à a stazzona
Cù u so parapiglia tuberosu.
U zitellu a feghja, feghja.
U zitellu a stà fighjendu.
In l'aria spustata
Move e so bracce a luna
È insegna, lubrica è pura,
I so duri petti di stagnu.
Ahì ! Fughji, luna, luna, luna !
Perchè chì s'elli venenu i zingari,
Farianu cù u to core
Cullane è anelli bianchi.
Zitellu, lascia mi ballà.
Quandu veneranu i zingari
Ti truvaranu nantu à l'incudine
Cù l’ochjucci chjosi.
Ahì ! Fughji, luna, luna, luna !
Perchè chì sentu digià i cavalli.
Lascia, zitellu, ùn calpistà micca
A mo bianchezza inamidata.
U cavaliere s’avvicinava,
Sunendu u tamburu di a piana,
È, in a stazzona, u zitellu
Hà i so ochji chjosi.
À traversu i campi d'alivi venenu
- bronzu è sognu - i zingari,
Capi alzati altu
È l'ochji mezi chjosi.
Cum'ella canta a malacella,
Oh, cum’ella canta ind’è l’arburu !
Per u celu và a luna
Cù un zitellu per a manu.
È in a stazzona, pienghjenu
mughjendu, i zingari
È l’aria veghja, veghja,
L’aria i stà veghjendu.