Versione :
Corsu

Isula d'Anima

Cù a publicazione di a so ultima racolta, a puetessa-cantarina ci parla di a so interrugazione in quantu à e vie di u cantu corsu

L'ultimu libru di Patrizia GATTACECA si chjama Isula d'Anima - Soul Island. Sò puesie scrittu in corsu, tradutte in inglese da Frédérique MATTEI-JORDAN è publicate à l’Edizioni Three Rooms Press in New York.
A stonda di presentazione chì si hè fatta in Bastia u ghjovi u 13 di settembre 2012, à u centru culturale Una Volta hè stata propiu un incantu è l’anima si ne era gradita, da veru. Ma micca solu l’anima. Chì s’ellu si hè pussutu vede è sente tutta l’emuzione affettiva di l’amicizia ch’ella dà è riceve a cantarina à tuttognunu chì li si avvicina, ci era ancu, permanente, bella è prufonda, un clima esteticu di altissima qualità. Un prugrama d’intervenzione sobriu è intensu : ognunu di i cantarini è pueta hè venutu à dì è à cantà a soia, di core veru è d’arte fine : P. Poli, L. Poli, F. Massiani, J. Micaelli, M. Leonetti, M. Sammarcelli, Josephina, M. Giammarchi, S. Moretti, M-A. Geronimi, G.Fusina è po ancu Kates, assistente d’edizione in New-York accumpagnendu di clarinetta à Patrizia chì cantava « Dolce settembre ». Si ne sente è vede pocu di quessi i mumenti.
Ne senrete qualchì ribombu trà mezu à e pagine di Isula d'Anima - Soul Island I.