Inchinonzu

Pitzinnos tzòchin tùmbaros militares,
che crabas arrughidas faghen runare sas trumbas.
Cussizu de padres narat a alloristrare sas festas
cun cossos sonos, ammentadores de gherra.

Ammaistrados dai àschidos tutores
bestidos a soldadu ritmende rimas in umpa
andan a passu daghi in pultascione bessit a
piata e sos jajos ammanian mucaroleddos.

Proan, beranu e in sapadu,
e los intendo sonende setzidu in s’ispassizu.
M’ammento, de ater’ora , sa Chida Santa .

Leat abburruntos de mastru unu sonadore istraortu.
Mi nde peso, piseddu, finas eo malepesadu,
e nde fato unu sonetu cun rima de rugale.