Cathy Campana - A burla di Pasquà Marcelli
Puesia
A burla di Pasquà Marcelli
In Petralba u pastore
Ghjè un bon cavalcadore
Senza risparà fatica
Campa sempre à l'antica
Viaghja cū a muletta
Una mascina perfetta
Aghju trovu u so ritrattu
È di rime illustratu
Poi in Facebook spartutu
Ma dopu hè accadutu
Chì à la scrittura esposta
Pasquà mette una risposta
Ellu in fine patrone
A so bestia ci propone
Cū lu so imbastiu offertu
Fabricatu da espertu
Cinque mille euro pagata
Pare propiu rigalata
Da mè subbitu spartuta
Hè ghjusta di dà aiuta
À trovà acquisidore
Forse un agricultore
Ma tandu m'hà amparatu
Chì m'avia macagnatu
Ghjera fattu di birbone
Di gentile tarrucone
A so mula a si tene
Vistu ch'ella li cunvene
S'ellu perde st'animale
Ùn ne troverà uguale
Eiu sò stata baulla
D'ùn capi ch'ell'era burla
Di un gestu generosu
Si ne ride issu
scherzosu
Face ch'ormai mi pentu
Di stu pazzu interventu.
Cathy Campana 19/6/23