GUIDU BENIGNI

UN ATTORE FIDU DI A SCRITTURA CORSA

U SPAZIU & L’ACCADEMIA
invitaVAnu à sparte una stonda di spannatempu
à un
CAFFÈ LITERARIU
u venneri 31 ghjennaghju 2014 à 6 ore d.m.
Ci ERA ricevutu
Guidu BENIGNI
à l’occasione di a surtita di i so dui ultimi rumanzi
« L’affreschi di a Sta Trinità »
Premiu di i lettori 2013,
" Ieiettu "

 


Tuccava à Toni Casalonga d’assicurà l’animazione di issu primu "Caffè literariu" di l’annata è di circà puce à grattà à issu autore stuzzicarinu è un suppulu scrianzatu quand’ellu face cum’è una spezia di biugrafia di "Ieiettu", issu antieroe, simpliciottu è filusofu attempu. Ma dipintu dinù d’una vita paisana di u seculu scorsu, avviata oghje verdi altri usi è abusi.
Cun "L’affreschi di a Sta Trinità", si parte in viaghju rumanticu da Aregnu, Firenze è Barcelona in cor di u "Quattrucentu", sott’à a putenza genuvese di u famosu Offiziu di San Ghjorghju. Da crede chì u Mediterraneu hè per l’autore u so spaziu predilettu.
L’intermezu di a sirata, cù a voce d’Antone Ciosi, hà fattu galuppà i cavalli in puesia nanzu di sparte un buccone è beie un bichjeru à a salute di a lingua nustrale chì ella, hà occupatu tuttu u spaziu di a sirata.
U prossimu "Caffè" hè previstu di marzu cù Antoine Franzini.