U Centru Culturale Universitariu ramenta ch’ellu hè principiatu u cuncorsu 2000 di prosa literaria. Amatori di prosa in lingua nustrale, raconti, nuvelle, stalvatoghji o altru, aspettemu ch’è vo mandite u vostru scrittu (da 6 à 10 pagine) prima di u 1 di ghjugnu 2000 à :

CCU – Cuncorsu di prosa 2000

Università di Corti 20250 CORTI

Sò cinque i premii da vince :

Premiu 1  5000 f

Premiu 2  2500F

Premiu 3  2500F

Premiu 4  1000F

Premiu 5  1000F

I testi chì vinceranu saranu dinò publicati.

Si sà chì issu cuncorsu in listessu tempu si face in Sardegna è à e Baleare, cù signe ghjurie chì danu capu à l’operazione di u cuncorsu.

A nuvità di sta terza edizione hè chì hè diventata propiu a Biennale di l’Isule, cù a Sicilia chì ci entre ancu ella quistannu !

A ghjente chì si primureghjanu di l’impresa sò attivi è dinamichi.

Preside a ghjuria siciliana Enzo Zappulla (per altru presidente di l’Istituto di Storia dello Spettacolo Siciliano. L’altri ghjurati literarii sò giurnalisti, cum’è Domenico Azzia (presidente di l’associu Sicilia Mondo) o Domenico Tempio (capiredattore di La Sicilia). Ci sò dinò l’insignenti circatori à l’Università di Catania: Alfio Cocuzza (presidente di l’associu Amici dell’ Università di Catania), Mirella Maugeri Salerno (direttrice di l’ lstituto di Storia dello Spettacolo Siciliano), Nicolò Mineo (direttrice di a Facultà di Lettere di l’Università di Catania), Margherita Spampinato (direttrice di u Dipartimentu di Filulugia muderna), Sarah Zappulla Muscarà (prufessora di Literatura taliana).

Ramintemu chì a ghjuria sarda hè diretta da Nicola Tanda, prufessore à l’Università di Sassari è quella baleare da Sebastià Benassar, giurnalistu à Diari de Balears (Palma).