CHJAMA È RISPONDI SHETLAND-CORSICA

L'edizione ALBIANA, u so direttore è i quatri di l'imprese, i scrittori ARRIO è THIERS, e traduttrice S.PADOVANI è A.D'ANTONIO, l'inseme musicale SULL'ARIA anu trovu una bellissima accolta in l'inseme di u prugrama di u Festivale. Si sò dinû ristretti i legami di travagliu cun Barbara Sommovigo è Antonietta SANNA, Marco CINI è Fabrizio FRANCESCHINI, tutti prufessori di varie facultà di l'Università di Pisa. Intantu di pudè vultà nantu l'acquistu d'isse manifestazione in e prossime messe à ghjornu d'INTERROMANIA, accenneremu quì à un scontru chì messe in dialogu literariu a Scozia, invitata d'onore di u festivale è a Corsica. Donald MURRAY è Ghjacumu THIERS si fecenu un chjama è rispondi cun letture di e so opere, unu in gaelicu è l'altru in corsu. Bella sicura i testi detti ammintavanu l'isule: Shetland, Corsica, Capraia, Elba è Monte Cristo... Davanti à elli, davanti à elle, parechje centunaie di spettatori aduniti ind'è l'anfiteatru Paniciotti dissenu u so piacè. Una bella stonda orchestrata da Fabrizio Franceschini è Joseph Farrell (università di Glagow)

http://www.pisabookfestival.com/paese-ospite/donald-murray/

http://www.pisabookfestival.com/ospiti-2015/ghjacumu-thiers/