U madrigale saria una trà e forme più antiche chì leganu musica è puesia, è al dilà, usi sapienti è pupulari. U cantu corsu hà tenutu una forma pulifonica sputica soia è cunnisciuta pocu è micca. Era da fà la cunnosce megliu u scontru fattu à l’Università in Corti (Journées d'études organisées par l’Université de Corse (UMR CNRS 6240 LISA / CCU) en partenariat avec le Pôle Méditerranée de l'Université Paris 8) è chì accolse interpreti, ettnomusicolughi è spezialisti di musica antica è cuntempuranea.
Da cunclude issi baratti un cuncertu –una campa!- hà accoltu gruppi di pulifunia. Sta filmata presenta i trè gruppi maschili (Madricale, Tavagna, A Ricuccata).