SCONTRU CULTURALE IN CAFFÈ

Cent'anni è più ! 
 
Scontru culturale in caffè cū l'Adecec Voce Nustrale
 
 
Duie donne impegnate 
Ind'un scontru sò scalate
Da sempre care cumplice 
Sò gioiose ambasciatrice
À prò d'u corsu ancestrale
A cara lingua Fanale 
 
In sporta tanti rigali
Pà issi scambii amicali
Ne sianu ringraziate
È ancu bel'onorate
I scontri sò furtunati
Sempre di più animati
 
Questa squadra creativa
È di Cervioni nativa
Da tant'anni hà preservatu
I tesori di u passatu
L'Adecec, a rinumata
In Bastia hè invitata
 
Fù creatu in issu paese
In ligna un gran arnese 
Infcor, attrezzu potente
Rende serviziu à la ghjente
Qual'è ch'ūn si n'hè servutu 
Prontu, ellu dà aiutu
 
Hà una ghjesa ancestrale
San'Teramu catedrale
Po una scola di cantu
Cū zitelli, un incantu
Una radiu regionale
Di nome Voce nustrale
 
U so cunventu-puntellu
U museu, un ghjuvellu
Ognunu l'hà visitatu
È cū ellu amparatu
Incū l'oggetti-memoria
Di la Corsica la storia. 
Cathy Campana 4/2/23
 
Sans virus.www.avg.com