60 anni !

Esse in salute, digià… perchè chì senza ella, ùn simu nunda.
Maraviglià mi. Maraviglià mi sempre.
Osservà, avè a critica a più ghjusta pussibule. Esse esigente, senza eccessi.
Ùn zergà mi micca troppu. Ma butulà un pocu, quantunque, cosinnò ùn sarebbe micca eiu ! È face campà di più, à ciò chì pare.
Stà à sente è stà mi à sente à mè stessa.
Piantà qualchì volta. Piglià altezza. Piglià impulsu.
Tene caru è tene mi cara. Tene caru assai.
Perdunà. A vita hè corta, a vita hè bella. Malgradu e prove, e dilusione, tuttu u male nant’à a Terra.
Esse vera. Esse scema. Cusì scema.
Ride assai. Pienghje dinù. Face prò qualchì volta.
Splende, alluminà. Fà u bè in giru à mè. Stende una manu versu à qualchissia.
Ùn avè rimpianti, ancu menu rimorsi. Pruvà sempre, bravà altrettantu. Ribattulà, à cas’è mai. Cascà solu per alzà mi torna.
Matrà mi di u silenziu.
Caminà in a natura.
Circundà mi sempre di ghjente di core.
Avè ghjochi intellettuale boni. U cervellu ùn si deve micca addurmintà. Soprattuttu micca.
Accettà ciò chì ùn pò esse cambiatu è accettà mi à mè stessa. Cù i mo difetti è e mo qualità. Cù e mo cicatrice è i mo surrisi.
Esse unica. Esse felice.

Eccu e mo risoluzione bone per l'ultima parte di a mo vita, a falata...