Cù u so libru Romain Gary, penseur de l’imaginaire,  Ghjuvanghidu TALAMONI ci hà prupostu una lettura prufonda è precisa d’iss’ idee è sintimi ghjunti à creà –diceremu da sempre- una literatura scritta o altra chì ùn vale à circà à precisà a data di u so primu affaccu è tutti l’altri. Ste pagine 22 à 25 cun “L’imaginaire de la Méditerranée” mandaranu i lettori à leghje l’inseme di u libru publicatu in Spondi 2026

In ‘ssu Trattatu di ciò ch’ùn si vede, Marielle CLEMENTI , dice chì u mare ùn hè più un locu. Hè una lingua. Una lingua senza voce, fatta di luce chì si divide, di silenzii chì pesanu, di prufundezze chì ricusanu u fondu, di creature chì esistenu solu quandu a verità prova à diventà figura.

Cù u so studiu di u 26.04.1991, Ghjermana de ZERBI in Un rumanzu pirandellianu,  hà intesu ricuccà, in a Funtana d’Altea u scandellimu cristallinu di e cità native.