ROBBA CORSA, SGUARDU D'ITALIA...

......sfuglittendu torna l'AMOR DI CORSICA

Scontri di 30.06.2013

UN OSSERVATORE TALIANU FACE L’OCHJATA À I CORSI

In una messa à ghjornu precedente, avemu accinnatu à u libru di Stefano TOMASSINI, publicatu ind’è Feltrinelli in u 2000: Amor di Corsica. Hè piaciuta à unepochi chì a ci anu detta. Eccu dunque dui altri passi d’issu libru pienu à scuparte è insignamenti utili à tutti :
- un ritrattu attente è ironicu di Aiacciu
- un altru cun listessu versu in quantu à Corti.

Per Bastia è l’altri lochi di Corsica, ci ne hè altru è tantu! A dice ellu stessu l’autore stuzzichinu è ... appassiunatu pè a Corsica! È face l'ochjata à u so lettore corsu chì ellu u sappii sequità cun malizia à a scuparta di lochi chì palesanu qualcusella di quelli chì ci stanu
Al di là di u piacè ch’elli porghjenu issi testi ironichi è spiritosi, ci truvemu u prufittu di a distanza -misurata da un sguardu attente è criticu- trà duie situazione culturale vicine: a corsa è a taliana. Face tantu più prò chì, di regula, à chì face u paragone ùn stà tantu à  assimilà le una cun l’altra, isse situazione, chì face à spiccera o cun qualchì santu in corpu.