Serata corsa u 20 d’agostu 2020 in Notenschlüssel

SONU 1

Cù a so squatra di u "Notenschlüssel" (Music & Irish Pub in Leverkusen/Alemagna) Gerhard ZECH face un pezzu ch’elli avianu l’idea di presentà u DVD"IN CORSU" in una serata dedicata à a Corsica. Cuntavanu cusì di permette à l’invitati primurosi di capì a leia trà l’aspetti culturali, sociopulitichi è musicali di l’isula. È po era chjara ch’ellu ci vulia à sudisfà u piacè di u palaticu è offre à l’amichi irlandesi a pussibilità di assaghjà è gode si biende, salameria è casgi di Corsica. 
È bè, u 20 di agostu cascava d’incantu.
In u chjerchju ristrettu di a ghjente accolta (d’altronde e misure sanitarie anu ancu impeditu una presentazione musicale LIVE) a serata hè principiata cù una videocunferenza cun ritratti di paisaghji è di cità, cù arrigistramenti di musica è canti (pruiettati nantu à screnu à parte si da u DVD InCorsu+). Dopu à quessa, si hè pussutu assaghjà e liccature di delizie cucinate è e biende (Whisky made in Corsica è Biera ambrata cun castagna corsa) è issa stonda hè durata a serata sana.  
Essendu datu chì  "E Voce di Corsica", ... "u cantu di Corsica" era un tema primurosu di a serata, e "spressione vucale" assai tipiche di a Corsica sò state illustrate cun ducumenti stratti da scritti di LAADE, THIERS, CATINCHI : di prima in quantu à a Paghjella è dopu altri, ch’elli cunnoscenu menu l’Alemani : Madrigale, Nanna, Lamentu, Voceru. Cù e canzone di "I Muvrini" (chì hè propiu u gruppu di cantu corsu più cunnisciutu in Alemagna), l’invitati pudianu fà cunniscenza cù un bellu classicu: u lamentu pè un cane mortu,"U Lamentu di Filicone". U carisimu di a spressione à bocca, roga è carattersitica di u "cantu corsu", prisentatu quì in a meludia di u Lamentu, si sparghje ed arricchisce l’ambiente di u "Notenschlüssel". In modu ritrospettivu e spiicazione di  l'aspettu tradiziunale di e spressione vucale più maiò anu permessu di presentà a storia musicale è puetica di a Corsica è l’impurtanza di a tradizione à bocca da un seculu à l’altri. 
Dopu si hè ammintata a creazione literaria cuntempuranea, o nanzu a puesia oghjinca trasmessa per iscrittu è chì raghjunse a canzona corsa in l’anni di i muvimenti culturali di u 70 (U Riacquistu). Partendu da l’acconci musicali è l’interpretazione di u gruppu I Muvrini, l’invitati anu intesu varie forme di spressione vucale. 

SONU 2

In "Una antra matina" (Thiers) da l'album "Polyphonies I Muvrini", u gruppu a ci face à rinfurzà u pesu di a parolla cù un acconciu musicale dramaticu è un’ interpretazione pulifonica affascinosi. Altri scritti puetichi messi in musica è presentati spessu in cuncertu, è trà quessi "More" (Fusina), sceltu chì a voce sola accumpagnata da u piano s’iscrive in un altru registru di spressione : quellu di un sintimu dolce è muderatu. "A Voce Rivolta" (Acquaviva), invita à cantà « à voce rivolta » da fà un bellu umagiu à u populu corsu. Una cumunicazione per mezu di u cantu, cusì cara pè a ghjente isulana è bella sicura ancu per l’amichi irlandesi. Sò stati distribuiti i testi d’issi canti, in lingua corsa è in alemanu. 

U lamentu pè u clima "En 2043" cun dinù unepochi altri canti di u CD "Portu in Core", esciutu in u 2019, averanu di sicuru incuragitu l’invitati à piglià cuscenza di di e primure ricurrente di u gruppu : eculugia, avvene, tradizione, spartera, pace, umanisimu. Si pò sperà chì a lettura di a nuvelletta bella ridicula "A Signora" (Coti), tradotta in alemanu è chì hà chjosu a serata hà permessu à l’invitati di vultà in casa soia cù una maghjina oramai sfarente di a Corsica. Saranu forse presenti quandu un’altra serata dedicata à a Corsica sarà prugramata in « Notenschlüssel », ma sta volta cù interpretazione in « LIVE" di a musica corsa.