Ragiunata
Un'arretta. Stà à senta i dialoghi

Stà à senta i dialoghi è ripeti...

I culori

1 : U verdu hè un culori fritu.
2 : U turchinu hè un culori fritu.
3 : U verdu è u turchinu sò culori friti.
4 : Issi culori, mi piacini tremindui.
5 : U russu, u giaddu, i culori caldi, ùn ti piacini micca ?
6 : Iè, ma prifiriscu i culori friti.

 

À passighjà

1 :  Quandu sarà aparta a piscina ?
2 :  Dumani o dopudumani, à dui ori dopumeziornu !
3 :  Và bè. Allora andaremu à passighjà.
4 :  Mi cumpreti qualcosa da manghjà ?
5 :  Iè, una pizza, un sandwich, una turta ? Quantu ci dai ?
6 :  Ùn a socu quantu costa una pizza : eccu deci eurò !

 

A vittura

1 : Quantu costa issa vittura ?
2 : A russa, a grisgia o a nera ?
3 : Innò, quista quì : a russa ! Ùn aghju micca da cumprà una vittura di vechji !
4 : Sigura, sigura…
5 : È quantu costa, issu mudellu ?
6 : Micca caru ! È po, vi faremu un prezzu, ùn vi ni feti !
7 : Và bè, ma quandu a pudaraghju pruvà ?
8 : Subbitu subbitu : a femu sorta da a vitrina è andemu à fà un ghjiru à nantu à u stradonu

 

U telefonu

1 : Telefunighji  dinò ? Se sempri à nantu à u telefunu !
2 : Ma chì voli ? Mi chjamani pà u travaddu, micca pà chjachjarà.
3 : D’accordu, ma pudarii piantà à l’ora di a cuddazioni !
4:   Ùn possu micca ! Mi ani da chjamà da Corti. Saria pà una casa da fà. Un grossu cantieru. A me paga sigura pà un annu sanu.
5 : Iè, ma trova u tempu di manghjà un bucconu è bia un bichjeri di vinu o… d’acqua!
6 : Zittu ! Avà mi chjamani ! …. Hè u me clienti ! Saluta. Allora, aveti presu a voscia dicisioni ?... Ah ! d’accordu ! Ci vidimu dumani ! Alè, à veda ci…
7 : Allora ? Chì hà dittu u to clienti ?
8 : Hè d’accordu ! L’affari hè fattu ! Ci avemu da veda dumani in Corti !
9:   Allora, tucchemu ! À a saluta !
10 : À a saluta, è…  à u travaddu !