Scola bislingua di u Viscuvatu-duie fole

Scola bislingua di u Viscuvatu

 

A FOLA DI SAN MARTINU.

 

Tempi fà, ci era un paese chjamatu u Bel’Fiuritu.

 

Un ghjornu, Satanassu hà vulsutu diventà u signore di u cantone. Dopu intesa issa gattiva nutizia, tutta a ghjente era à l’addisperu.

 

« S'è vo ùn vulite micca accettà mi, fiumi, vadime, surgente, fiumicelli di U Viscuvatu seranu à l'asciuttu I »

 

À I'epica, era a forza di l'acqua chì facia girà e meccaniche di i mulini è di i fragni. A farina di granu di segala, d'orzu o di castagna, cum'è I'oliu d'aliva, eranu u vitu di a ghjente campagnola.

È un ghjornu , più acqua ! A sicchia ! I paesani eranu persi. I chjosi, l’orti, i campi si murianu...

U vescu, Opizo Pernice, hà dumandatu à San Martinu, un bravu è giovanu pastore, tremendu cum'è un lione, u so aiutu. Stu giuvanottu era u figliolu di a Signora di a Casinca.

San Martinu, sottu à a prutezzione di a so mamma, hà datu un appuntamentu à Satanassu in Piazza Nova.

 

Quellu ghjornu, San Martinu s'hè affaccatu cù u so pilone adossu è Satanassu, tenia nantu à a so spalla un'acula.

 

Satanassu squadrendule da u capu à pede u giuvanottu, li disse : « Nissunu discorsu mi ferà cambià ! Vogliu esse u signore di a Casinca ! »

 

San 'Martinu, li lampò u pilone in capu, criendu :  “Ch'è tù smarischi sottuterra è ch’ella torni a divizia ! »

 

Satanassu  smarrì in una cavità di u terrenu. Subbitu, l'acqua viva sorge da u tufone. A so acula si trasfurmò in statua di bronzu. I paesani anu custruttu in issu locu una funtana è anu piazzatu l'acula di bronzu.

 

I sculari di a scola di cE1/cE2, insegnante Mma BALD|

 

L'ACULA DI U VISCUVATU

 

Tempi fà ci era un paese chjamatu u Bel'Fiuritu. Era u più bellu paese di Casinca... assai fiuritu, era l'ortu di a Corsica. Era tempu di gioia è d’allegria...

L'acelli cantichjavanu, e farfalle ballavanu, a ghjente ridia... Beata epica...

Quassù, campavanu isgiò, i nobili, i Veschi.

 

Un ghjornu, un zitellucciu, Carlinu Vescovato, figliolu d'un signore, era cugnumatu “ L’acula “ perchè chì era appassiunatu da stu acellu.

À ellu, li piacia a libertà, a putenza..  Si travestia sempre in acula.

Tutti i ghjorni, curava u paese . U vulia prutege di i periculi... di a gattivezza di certi ghjenti di u circondu... soprattuttu parà si di u gubbacciu...

« O cari paesani , seraghju sempre à fiancu à voi... u mo paese sì tù !» disse l’acellu zitellinu.

 

L'anni passavanu, u zitellucciu era diventatu un bellu è forte giuvanottu.

Un ghjornu, Carlinu ricevì una visita... Quella di Maria Casinca, chì stava in piazza Paulaccia.

Maria Casinca era una maga... È tutta a ghjente di u circondu venia à scuntrà la per curà si. Era cusì brava, cusì dolce. Avia dinù u putere d'annacquà u paese, hè per quessa chì era l'ortu di a Casinca.

Nimu cunniscia a so età, era assai anziana è purtantu u so fisicu ùn si scambiava...

Quandu Carlinu ebbe 16 anni, Maria Casinca hà vulsutu rigalà lu ...

 

“-Caru Carlinu , tù, chì ami a libertà , tù chì ami l'aria pura... ti prupongu oghje un rigalu chì scambierà a to vita ...  A sò, hè un rigalu assai speziale.. chì nimu ti puderà offre. Ascolta mi : s'è tù bei I'acqua di a funtana, puderai scambià ti in acula quand'ella ti pare ! Dà mi a to manu,

seguita mi s'è tù voli »

-Essendu un’acula averaghju u putere, averaghju a bellezza per u sempre...accettu a to prupusizione!

 

Allora, Maria Casinca purtò Carlinu à a funtana di u paese.

 

« À tè o Carli. À tè di beie trè manate di sta acqua. Chjodi l'ochji è ripeti appressu à mè :

 

Acqua surgente, Acqua trasfurmata,

Beiu durante un mumentu,

Per u sempre seraghju prutettu. »

 

Allora, Carlinu ripetì a pregantula è bebbe l'acqua di a funtana...

Subbitu, l'acqua avia fattu u so effettu...

 

U giuvanottu pudia vulà !

 

« À ringrazià ti o Marì! Grazia à tè, possu vulà è supranà u mo circondu!"

 

Un ghjornu, Maria Casinca decise d'andà in muntagna per circà piante per appruntà e so medicine... ma quassù, tuttu mondu a sapia... ci era l'orribile gobbu !

 

Avia e sgrinfie à i pedi, avia i capelli longhi è grisgi, e ghjambe storte... purtava un Ienzolu nantu à a manu manca... è à a diritta avia una piola!

 

U mostru campava in una grotta chì s'assumigliava à una chjaroppula, vicinu à una surgente «acqua merciana “

U gobbu era un gattivu Magu. Era cunnisciutu di pettu à e so ghjasteme. Purtava tutti i peccati nantu à elli!

 

Quassù, in e muntagne, versu à Panicale, nimu vulia avviccinà si.

Tuttu u mondu n'avia a paura... tuttu mondu fora Maria Casinca I

« - Quale hè?! Quì , si nantu à mè, ghjè u mo territoriu ! Oramai, t'aspetta un castigu per avè pigliatu un chjassu periculosu.

 

.....Ti propongu di sceglie a manu chì ti minarà . A manu manca o a manu diritta. lspicciati!

-Eiu sò Maria Casinca, cummare di u Bel'fiuritu! Ti dumandu di lascià mi andà è ti prupongu di curà i to peccati.

- lnnò... Ùn vogliu nunda ! »

 

Po, u gnomu s'avia purtatu a so vittima in fondu di a grotta.

Quellu ghjornu, a maga fù fatta prigiunera !

 

E disgrazie principionu...

L'orti avianu ghjelatu..

L'acqua era diventata torbida...

U sole era smarritu...

 

Allora, Carlinu l'acula pigliò a decisione di liberà a so amica...

Ghjuntu nantu à e cime di u paese, Carlinu truvò a famosa caverna di u gubbacciu!

 

U gobbu disse à Carlinu:

 

« Quì si nantu à mè, ghjè u mo territoriu ! Oramai, t'aspetta un castigu per avè pigliatu un chjassu periculosu. Ti propongu di sceglie a manu chi ti minarà : a manu manca o a manu diritta. !

Spiccia ti! »

 

Allora, Carlinu, si lampò nantu à u mostru chì si dibbattia... cù e sgrinfie acelline, Carlinu crepò l'ochji di u gattivu parsunagiu! È u chjudì in fondu di a caverna liberendu à Maria Casinca.

 

U paese ritruvò a so allegria...

l'orti funu annacquati...

L'acqua era limpia..

U sole era vultatu...

 

Per ringrazià u curagiu di Carlinu,

Maria Casinca fece apparisce nantu à a piazza principale, core di u paese, una funtana incurunata da un acellu... un'acula... chì per u sempre curerà u bellu paese.

Sta funtana chì annacquerà generazione è generazione.

U paese si chjama oramai U Viscuvatu in onore à Carlinu.

Oghje chì hè oghje, si dice, chì certe volte, cù una vera fede, pudemu vede à Maria Casinca passendu in e strette di u paese è chì l'anima di Carlinu campa in l'acula di a funtana.

 

I sculari di CE2 di u Viscuvatu paese