DUI SCRITTI DI STUDIANTI

L’omu di a scatuletta

 

Dipoi quandu sarà quì?

Un ghjornu, un mesi, un annu

Quale a sà?

Stà sempri quì

Di ghjonu cume di notte

Dipoi ch’ellu s’hè messu quì

Ùn si senti mancu più un soffiu.

Sta quì è fighjula

Fighjula u tempu chì passa…

È po vennari sera inde a nuttata...

Quandu passò in a stretta

In a stretta di l’omu di a scatuletta

L’omu ùn ci era più

A scatuletta era in pizzatelli

È annantu à un pezzu di carta

Quì a mezu à tuttu

Ci era scrittu :

“Mi ne vocu

V’aghju troppu visti....”

 

 

 

 

 

 

 

 

 

 

 

 

 

 

 

Dopu ghjuntu l’omu di A Maddalena

 

Un fogliu per aria

Da l’inchjostru sulchighjatu

Schjaffatu da lu ventu

Da spergulià parolle

Parolle perse ind’è i scogli allisciati da a burriana

Runzicati da l’acqua in lu so ballu testardu

Un fogliu per aria

Vultulava

 

Un’isula di pettu à lu ventu

Scurdata à mezu mare

Firmata stantara trà li viaghji

Viaghji scemi à u spuntà di l’albe

A mossa è l’eternu in un soffiu uniti

Un’isula

Sfida à lu ventu

 

Un fogliu per aria

Da l’inchjostru sulchighjatu

Scrivacciulatura vana

À penne loscie.