Ind'i scontri in immersione

Creati cū a passione

Ci vene ghjente di core

Chì cunsacranu tant'ore

À a so cara parlata

Oghje assai tralasciata

 

Frà elli ci hè un tercanu

Direttore di primu pianu

Insegnente di valore

Hè statu u mo professore

Chì fermerà l'invitatatu

Forse u più apprezziatu

 

Quand'elli a scopreranu

Ch'o ricevu stu storianu

I m'anziani camarati

Si fermeranu stonati

Ci paria dominatore

N'aviamu lu timore

 

S'ellu hè di a Parata

Issa magnifica cuntrata

Ghjè ancu u me paisanu

Linguizzetta ūn hè luntanu

Di u mio verde Canale

Chì suprana un fanale

 

I so libri riferenza

Scritti cun tanta pazienza

Ci spieganu lu passatu

Chì ne hè preocupatu

Fendu per a nostra storia

Un dovere di memoria

 

Eugène hè omu pietosu

Indulgente è generosu

U Signore l'hà preservatu

Per avè lu onoratu

Li preghemu pà a vita

Strada dolce è fiurita.

Cathy Campana 25/3/23