NOVE SCRITTURE

Eramu di ghjuliu, iss’annu custì. Era un estate di calore.

Cù unepochi d’amichi, i nostri esamini di fine di scola di u secondariu in stacca, ci truvavamu in a cità di Corti per scrive ci à l’Università. Ma ind’è a ghjurnata mi sò postu assai questione annantu à issu sughjettu. Ùn sapia micca troppu induve mi truvava infine di contu. Ind’è u mio capu era u cumbugliu. Era per mè una altra vita, una vita sfarente di a meia chì duvia principià.

Aviamu decisu di andà à manghjà tutti inseme per festighjà issa stonda impurtante. Era l’occasione d’esse tutti reuniti è di passà una bella serata. Ci era forse ancu u bisognu sicretu di cavà ci à pena di issa frizzione ch’è no ci sentiamu à dossu ancu senza sapè la spiicà. È cusì, dopu avè bè manghjatu è betu bè, ognunu di noi rientrò in casa soia.

 

Ma quandu passai davanti à a stantara di Pasquale Paoli, per andà à piglià a mio vittura, mi feci un’aretta à pusà annantu i scalelli, è tandu a mo mente si ne vultò tanti anni fà... mi paria chi u babbu di a patria mi parlava.

Avia fattu un saltu di dui seculi in daretu, chì ghjera u tempu di guerre è di revuluzione. Vita sfarenta di quella d’oghje, puru s’ellu ùn ne manca oghje pè u mondu, nè guerre nè revuluzione...

 

 

Era custì à pusà annantu à issi scalini è vardava e ghjente chi facianu u passa è veni, allora chì u mio spiritu si era messu à u tempu di Pasquale Paoli.

Fù à issu mumentu custì chì mi ne sò arvista ch’ell’ùn era per casu chì era pusata sott’à a statula di Pasquale Paoli.

 

 

A prima università di Corsica avia vistu u ghjornu sott’à Paoli. Si truvava inde a cita di Corti, cume quella d’oghje. S’hè fattu à issu mumentu custì inde u mio capu una relazione particulare trà u passatu è u prisente ; trà l’Università d’oghje è quella d’arrimane.

 

 

 

Dopu riflessu una bella stonda, tuttu era piu chjaru per mè in u mio capu...

Di più chè i libri di storia, issa relazione cù u passatu m’hà apertu di più l’ochji versu a mio nuvella vita.

Avia da fà i mio studii in l’Università di Corsica chìi porta u nome di iss’omu chì hè statu è chì sarà sempre Pasquale Paoli.