Versione :

Ragiunata
U stagnu di Chjurlinu

U stagnu du Chjurlinu

 

Petru Maria : - Farà bellu tempu dumane ?
Lucia : - A meteò dice di sì ! Tutta a fine di settimana : sabbatu, dumenica è luni !
Petru Maria : - Oh oh ! Cume conti ? Luni hè u primu ghjornu di a settimana chì vene.
Lucia : - Dipende di u travagliu. U luni hè ghjornu di vacanza.
Petru Maria : - Per i panatteri ! Micca per i piscadori.
Lucia : - Listessa per i piluccheri.
Petru Maria : -È tanti altri dinò ! Allora, dumane andemu à u stagnu ?
Francesca : - À piscà ?
Petru Maria : - À corre sì. U giru sanu di Chjurlinu è vultemu per U Borgu.
Ghjuvan Paulu : - Ma, oh penserete à noi ? Induve hè issu stagnu ?
Francesca : - Quantu ci ne sarà stagni per sti lochi ?
Ghjuvan Paulu : - Fora di quellu di Biguglia...
Francesca : - Ghjustu à puntu ! U stagnu di Biguglia !
Ghjuvan Paulu : - Or guardate ! Ùn l’aghju mai intesa.
Ziu Simone : - In tempi di una volta Chjurlinu saria statu apartu è ci entria u mare.
Petru Maria : - Dopu a rena l’hà chjosu è l’hà fattu issa pischera ricca è diviziosa.
Francesca :- È po ci hè tuttu u restu : i campi di vacanze, i terreni di sport, e piste di corsa à pedi...
Lucia : - U più chì piace à mè hè u parcorsu ornitulogicu.
Petru Maria : - À u vaghjime sò millaie di acelli chì si cansanu à qualchì ghjornu. Anu editatu un librettu è un piichittinu. I cunniscite ?
Francesca : - Fà vede !