|
Antoni ARCA
Un scontru pienu di prufittu per tutti i participenti chì si primureghjanu di sviluppà è di rende regulari i raporti trà i giovani à u mumentu chì si cerca à creà una manera cumuna di campà al dilà di e fruntiere è senza scurdà si omu di e culture tradiziunale duv’elli sò arradicati tutti quanti i citadini di l’Europa.
U libru (ISBN 88-86229-76-3), l’hà publicatu l’editore Condaghes di Cagliari in a so cullezzione “ Ex Libris ”ed hè dispunibule à u prezzu di 5,16 euro. CONDAGHES snc.via S.Eulalia,52-09124.CAGLIARI. Tel/fax : 070659542 e-mail : condaghes@tiscalinet.it
U MEDICU STRANIERU
MURALES Da
cunsultà lu, appughjate quì
Hè un pezzu ch’è vo avete ammaniti quì i puemi di Arca racolti sottu à u titulu “ Murales ”. Interromania hè felice di pudè vi li porghje tradutti oramai in lingua nustrale da Alanu Di Meglio.
|
Ultimamente, in u
quatru di e so cunferenze misinche cù scrittori di u Mediterraneu, u Centru
Culturale Universitariu hà ricevutu à Antoni ARCA, pueta, prusatore è
militante culturale di Sardegna. Arca hà datu una cunferenza à l’Università
di Corti è rispostu à e dumande di parechji giovani cucolti custì per
l’occasione. Ci eranu dinò i sculari di u liceu Pasquale Paoli di Corti, chì
avianu studiatu cù e so prufessore (di talianu è di francese, Maria Natale
Sorrentino è Anna Maria Peraldi) u libracciolu scrittu da Arca in
cullaburazione cù a Classa IIIA Scuola Media n°3 di Alghero in Sardegna Lo
scheletro francese 
Altru mutivu di
sottulineà a presenza di Antoni ARCA : a pezza “ U Medicu stranieru ”
rapresentata à u Teatru di Furiani u 12 di aprile scorsu, dopu à una residenza
teatru chì hè stata urganizata da l’Associu corsu di l’IITM, u CCU, a
cumpagnia U Teatrinu è a Municipalità di Furiani. L’a
ttore Mariano Corda
(Cagliari) hà interpretatu u rollu di Josè Ramos, u medicu ebreiu, accusatu di
magia è cundannatu da l’Inquisizione per via ch’ellu avia guaritu à
Graziosa, una giuvanotta ammalata si durante u tempu di a Passione duv’ella
facia a parte di a Madonna è malgradu l’avisu di i medichi cristiani chì a
cunsideravanu persa. L’altre parte, e facianu quelli di u Teatrinu :
Francescu Berlinghi (u babbu), Ghjuvan Battì Filippi (u vescu), MA.Geronimi (a
serva), Ghjuvan Petru Giudicelli (u prete), Curinna Mattei (Graziosa), è
l’allevi di a Scola di u Teatrinu. Claudio Sanna (associu CALIC, Alghero) avia
fattu a musica. I custumi è i mascarimi l’avia curati Simona Grimaldi, i lumi
è a regia William Garnier è Ghjulia Allione a cumunicazione cù a stampa.
Guidu Cimino, digià più chè cunnisciutu da u so talentu di attore accerta u
so sapè fà di mettore in scena. Di fatti tutta a scenugrafia è l’evuluzione
di i persunagi sò stati tantu più riesciuti chì issu travagliu custì hè
statu fattu in qualchì ghjornu solu. I spettatori presenti pè issa creazione
anu fattu festa à tutti quelli chì anu datu di manu à issa bella rializazione
è chì Radio Corsica Frequenza Mora avia riunitu pè a so emissione di “ Mediterradio ”
(settimanale trà e radio di Corsica, Sardegna è Tuscana). Fù l’occasione
dinù di almanaccà un prugettu di cuuperazione cù Gabriele Benucci di a
cumpagnia livurnese “ Theatralia ” chi era ghjuntu à vede a prima
di “ U Medicu stranieru ”.