Jose Maria

Alvarez

Eccu « U Serpu di bronzu » annunziatu mesi fà. A traduzzione in corsu hè di G.Thiers, fora di qualchì testu di F.M.Durazzo (chì d'altrone hè l'autore di l'introitu è di a traduzzione in francese).

Stu bellissimu ritrattu di José Maria ALVAREZ hè l’opera di l’artista Marì.

Unu trà i pueta cuntempuranei più cunnisciuti di Spagna s'era fattu un’ affaccata in Corsica di ghjugnu scorsu (in u 2001). Ci vole à dì chì l’occasione di u viaghju ODISSEA 2001 di l’IITM era bella da incrucià duie iniziative. Una era quella di i Scontri misinchi di u CCU cù scrittori di u Mediterraneu. Vi avemu fattu à capu ogni mese d’issu avvenimentu dapoi ghjennaghju di u 2001.

Oghje ghjornu InterRomania vi pò offre l’opera di José Maria Alvarez titulata « U serpu di bronzu », adattazione in lingua corsa  di u bellisimu libru ch’ellu hà digià publicatu l’autore in spagnolu è in francese.

D'altronde, pudite sculunnà dinù (o puru ritruvà) u passu d'una pezza titulata « Vizard » chì vi hè stata tradutta da F.M.Durazzo in francese è in corsu.