Aìani l’odori di lu fenu

li to’ capiddhi di culòl di pani

undi cuàa la cara a contraentu

cun técu a la spusédda in briccichetta

(la Combet di babbu ) in bolu ‘n bolu

pa cadé’ in un oldini di ‘igna

pienu d’alba e di frondi, primma lettu

di cruda ciuintùra.

La bibbènna

cumprìta séra séra ti lacàa

un ammentu di risa illi cantegghj

aumbrati di pampani e un saori

illi labbri di mustu, puppioni

furat’a l’abbi primma di la notti.