Ulache l pra

anconta la fulea

l'ega tumova

regurënta

dal crëp dl falch

ega cianteda

sota revëuc de spines.

N di fans jic ite

tl scur lucënt

slungëi contra i puenc

tl'ëura enciurnida.

Po ne fans

auter che spirc

criatures dl semiadum

fantulin

vedl

cëures che belova

babarozis

fruziëi per n scrin.

Al se refé di corps

ans bu ega da tuess

ega deventeda de mustl

ega spluma d'oleander

ega zënza lecort de temporai

y de tiëres salvedes.

I nes ova cunsenià al baal

al suenn di spediei di mac

ala endormies sciche priera da uni di

Ne fan nia plu.

Ciulei jú

jans tl scienz

bues custemei

al lim

de nosc resté

enravisei

ala lum