Fërmete

sëura l var mort dl di.

Ne n'audes'a nia la ujes

bele prejunieres dl scur?

Scota sù la luna sarëina

sciche n spirt dala lum plëina.

Dala val dl vënt vën sù n frësch

che enviëia la dumbrìes a fé damat.

L suenn me tënta

te ëures desmincëdes

ti uedli me liëia

a n liet de piëres brujedes.

Scuneda te n lecort

zënza pudëi te pië ìte

sciche chësta lum che vën jù frëida

aician i lëns y l mer.