|
Antertëmp d’ amor
Antertëmp d’ amor dime tu percië canche te tlami muces y daldò bele pentida canche me muces me chieres inò? Tic tac ahi dl cuer despaziënt... ajache tu pavël tentadëur sce te uei pië te dlibreies per te lascé nané inò sciche ijula da braces de ciom dl mer? (... y nëus fantasms te cërn viva sciche desmincënc mutons nrassei da juesc d’ ansciuda raton de vester tachei al jëuf de smiledes da dopl grop ntravaià povester savan de vester pulerins de fuech desliei...) Zitré sëurt de osc amulet dl cuer muciadif jit sot tl paluch dl suà mé a l ulëi depënjer tl’ ëura striuneda cun la pluma de paroles museredes ti bocia che ie vijion de chimera me fej rundenì l cruzi dl sanch te ciampanes d’ urëdles mpandudes te fiëures de nuetes zënza daduman. Antertëmp d’ amor sce te mbracei me muces sce te dlibrei iel majer stritoz dan te lascé jì dal prà flurì dl picià cun l vënt muciadif de dejidèr... Y ne sei plu ne sei propi nia sce pië amor ie sciche lië l vënt cun fums de vintlana o taché l’ ega dl ruf cun sgrinfles de fuech.
Franco COCCO
|
