Angiuli Indios

(Angiuli dl Chiapas)

Dai crëps dla luna

vën ju achiet i Angiuli

cun scials che furnësc la pecunia,

vai a depënjer i sasc antesc

dl marcià de Santo Domingo.

Pitli Angiuli

ma granc nchin tla stëiles,

piëres de lum

ulache se respiedlea la ndeferënza

dla jënt.

I mpëia su cëiresc

i prëia a si Idie

y và sula Piramida dl Surëdl

a tlupé nibles de speranza,

ma i vënc mei chiec

les sofla demez.

I à ti uedli suens de tiëres,

per sené la vita,

ulache la mort

ne à nia for l’ ultima parola.