Alma mater

terra

mela melangrana

fatta à meza luna

in sta sera di Sant’Andria

chì ùn vene bè à pregà.

U Diu ch’è no c’emu credutu

figliu vostru figliu nostru

s’hè adumbratu

affumaticatu

à a bocca di u caminu

cennera languente

à u sonu di passi lebii

I spiriti

arrubanu i bambini

i si portanu

in a bisaccia

mentre a ninni nanna

sona tremiti di freba

per figlioli

tagliati in u so cresce.

Stelle minore

ripetenu parolle ribelle

goccia appressu à goccia

acque chjaroscure

tragedie

per noi puntati

drentu à u fornu.

Cum’è pane emu cottu

senza levità

cacciati

da a lista di i salvati

noi cù l’abissu

sempre manente.

Calisgine

indè u ciottu di a ferula

distrugenu

sti muri

casa di carbone

cunsumatu.

L’aria hè torna di neve.

I colombi

volanu bassi.

Natalino PIRAS