Ragiunendu

Sè à ragiunà cun tè mi trattengu

accantu unu à l’altra ochju à ochju

torna legeru è liberu u core

è mi si scioglie in pettu a tristizia

cum’è fume chì si ne perde in aria.

È più chjaru mi pare u mo pensà,

i mo sintimi è a ragione

chì move l’omu à difende a vita

contru à a morte, uniscendu si cù l’altri.

Intantu ch’è tù parli, à pocu à pocu

si face a notte sopra a cità,

s’accendenu i lumi di i carrughji

inseme cù e stelle, si calma

u rimore cunfusu di e vitture

è e parolle ch’è tù mi dici

bellu dopu à u sole e si porta

un ventu al dilà di u mare.