(Anghjuli di u Chiappas)

Da a muntagna di a luna

silenziosi falanu l’Anghjuli

cù scialli chì vestenu a miseria,

vanu à culurì e cote amare

di u mercatu di San Domingu.

Anghjuli chjuchi

ma grandi finu à e stelle,

petre di lume

duve si riflette l’indiferenza

di l’omi.

Incendenu cere

preganu u so Diu

è collanu a Piramida di u Sole

à coglie nuli di speranza,

ma i venti chì mai riposanu

i soffianu luntanu.

Tenenu à l’ochji sogni di terre

duve suminà a vita,

duve a morte

ùn hà sempre l’ultima parulla.